شرکت میں نقصان صرف ایک شریک کے ذمہ ڈالنے کا حکم

بھائی کے شدید اصرار پر اس کی جوتوں کی دکان میں جو کہ اچھی چلتی ہے, میں نے دو قسم کی جوتوں کی ورائٹی میں سرمایہ انوسٹ کیا اور طے ہوا کہ ان میں سے جو نفع ہوا اس کو میں آدھا نفع دوں گا، خرچہ وغیرہ نکال کر، نقصان ہوا تو وہ میرا، یعنی جس نے سرمایہ لگایا ہے، اس کا خود کا ہو گا، شرعی طور پر جائز ہے یا نا جائز ؟

الجوابُ حامِدا ًو مُصلیِّا ً

سائل اگر اپنے بھائی کیساتھ مکمل کاروبار میں شریک نہ ہو بلکہ سائل نے مخصوص جوتوں کی ورائٹی کے کاروبار کے لئے اپنے بھائی کو رقم دی ہو اور نفع کی تقسیم کے لئے کوئی فیصدی تناسب ( آدھو آدھ ) طے کیا ہو اور اس مخصوص کاروبار میں سائل کے بھائی کی غفلت اور لاپر واہی کے بغیر نقصان ہو جانے کی صورت میں اس کی ذمہ داری بھی سائل پر عائد کی گئی ہو تو شرعاً ایسا کرنا جائز ہے، تاہم سائل کے بھائی کے ذمہ اس مخصوص کاروبار کا حساب کتاب دیگر کاروبار سے بالکل علیحدہ رکھنے کا اہتمام کرنالازم ہو گا۔

مأخَذُ الفَتوی

ففی درر الحكام شرح غرر الأحكام: (وأما العنان في الشركة بالأموال) عطف على قوله أما المفاوضة (فهي شركة في كل تجارة أو نوع منها) كالثوب والطعام ونحوهما (وتتضمن الوكالة) ليتحقق المقصود بالشركة وهو التصرف في مال الغير (فقط) أي دون الكفالة لأنها تثبت في المفاوضة ضرورة المساواة التي يقتضيها اللفظ وهذا اللفظ لا ينبئ عنه كما مر (وتصح ببعض المال) لأن الحاجة ماسة إليه والمساواة ليست شرطا فيه فوجب القول بصحته (ومع فضل مال أحدهما) لعدم اشتراط التساوي فيه (وتساوي ماليهما لا الربح وبالعكس) أي تساوي الربح لا المالين لقوله - صلى الله عليه وسلم - «الربح على ما شرطا» والوضیعة على قدر المالين مطلقا بلا فضل اھ (2/ 321)۔