درگاہ میں جاکر اولاد مانگنا اور ماتھا ٹھیکنا جائز ہے؟

السلام علیکم! میں امید کرتا ہوں کہ آپ خیریت سے ہونگے۔ میرا سوال یہ ہے کہ کیا اولاد درگاہ میں جا کر مانگنی جائز ہے اور درگاہ پر اپنا مسئلہ بیان کر کے دعا کرنی چاہیے درگاہ پر ماتھا ٹیکنا چاہیے، میرے کچھ دوستوں نے کہا کہ وسیلہ ہے دے کر دعا کرو، دعا قبول ہوگی، میرا کہنا یہ ہے کہ کوئی مسئلہ ہو صرف اللہ ہی سے دعا کرو، وہ ہر چیز دیتا ہے، مجھے کہتے ہیں کہ تم مسلمان نہیں ہو، مجھے اس کا جواب قرآن وحدیث کی روشنی میں دیں ؟

الجوابُ حامِدا ًو مُصلیِّا ً

انبیاء علیہم السلام اور نیک لوگوں کے توسل سے دعا مانگنا اگرچہ جائز ہے، اور احادیث مبارکہ اور سلف صالحین سے ثابت ہے، لیکن درگاہ وغیرہ پر جا کر غیراللہ سے مانگنا اور غیر اللہ کے سامنے ماتھا ٹیکنا ، جس میں کئی اور منکرات کا ارتکاب بھی کیا جاتا ہے، شرعاً جائز نہیں، اس سے احتراز لازم ہے، اگر سائل بھی اس قسم کا مسئلہ بتاتا ہو تو یہ بلاشبہ درست ہے، اسے مسلمانی سے خارج سمجھنا درست نہیں، البتہ اس مسئلہ میں اتنی شدت اختیار کرنا کہ علماء کی بے اکرامی تک نوبت پہنچ جائے بری بات ہے۔

مأخَذُ الفَتوی

كما في تکملة فتح الملھم: ان التوسل بالمقبولین عند اللہ فی الدعاء سواء أحیاتا او امواتا جائز وثبت توسل عمر رضی اللہ عنہ بالعباس رضی اللہ عنہ فی الاستسقاء والتوسل برسول اللہ صلی اللہ علیہ وسلم فی قصة ضریر بعد وفاة النبی فلاشبهة فی الجواز نعم إذا ظهر فی ذلك غلو فی عامة الناس منعو من اجل ذلك فالمنع فی مثل ذلك صحیح ایضاً ولکن الاعتقاد بان اللہ تعالیٰ تجب علیه الاجابة بالتوسل او ان هولآء المقربین المتوسل بهم یرجیٰ منهم الاعانة أو ان ان اسماءهم کاسماء اللہ تعالیٰ فان کل ذلك زیادة علیٰ الشرع اھ (۵/ ۶۲۵)