یوٹیوب پر عورت کا اپنی آواز میں ویڈیو اپلوڈ کرنا

السلام وعلیکم!
کیا عورت یوٹیوب پر تعلیم دینے یا اپنا خرچ چلانے کے لیے اپنی آواز میں وڈیوز ریکارڈ کرواۓ تو شرعی لحاظ سے یہ درست ہے یا غلط؟

الجوابُ حامِدا ًو مُصلیِّا ً

واضح ہو کہ عورت کا نان نفقہ شادی سے قبل اس کے والد پر جبکہ شادی کے بعد اس کے شوہر پر واجب ہوتا ہے، اس لیے عورت کے لیے بلا ضرورت کمائی کی فکر میں لگنا درست نہیں، لیکن اگر شوہر یا والد کسی عذر شرعی کی بناء پر کمانے سے قاصر ہوں اور اس کے علاوہ کوئی اور انتظام نہ ہو، جبکہ دوسرا کوئی شخص عورت کی کفالت کے لیے بھی تیار نہ ہو تو ایسی صورت میں عورت بامرِ مجبوری کمانے کے لیے شرعی حدود می رہ کر نکل سکتی ہے، چنانچہ صورتِ مسئولہ میں اگر فقط آواز کو ریکارڈ کر کے دینی مسائل پر مشتمل مواد یوٹیوب پر اپلوڈ کرے اور اس میں کسی قسم کا فساد اور فتنے کا اندیشہ بھی نہ ہو تو اس کی گنجائش ہوگی۔

مأخَذُ الفَتوی

وفی الدر المختار: (ونفقة الغير تجب على الغير بأسباب ثلاثة: زوجية، وقرابة، وملك) بدأ بالأول لمناسبة ما مر أو؛ لأنها أصل الولد (فتجب للزوجة) بنكاح صحيح، فلو بان فساده أو بطلانه رجع بما أخذته من النفقة بحر (على زوجها) ؛ لأنها جزاء الاحتباس، وكل محبوس لمنفعة غيره يلزمه نفقته اھ (3/ 572)
وفی حاشية ابن عابدين: (قوله على زوجها) أي ولو عبدا حتى يباع في نفقتها اھ (3/ 572)
وفی حاشية الطحطاوي على مراقي الفلاح: ولا يظن من لا فطنة له أنا إذا قلنا صوت المرأة عورة أنا نريد بذلك كلامها لأن ذلك ليس بصحيح فإنا نجيز الكلام من النساء الأجانب ومحاورتهن عند الحاجة إلى ذلك ولا نجيز لهن رفع أصواتهن ولا تمطيطها ولا تليينها وتقطيعها لما في ذلك من استمالة الرجال إليهن وتحريك الشهوات منهن ومن هذا لم يجز أن تؤذن المرأة اهـ (ص: 242)