واٹس ایپ پر آدھی آیت کا اسٹیٹس لگانا یا پوری آیت کو کاٹنا کیسا ہے؟

آج کل لوگ واٹس ایپ سٹیٹس میں قرآنی آیات کی تلاوت کے کلپس لگاتے ہیں،30 سیکنڈ دورانیہ کی قید کے باعث اکثر آیات کی تلاوت بیچ میں کٹ جاتی ہے یا پھر ایک عام عادت کے باعث کوئی آیت مکمل ہونے سے پہلے ہی سٹیٹس کو گزار سکتا ہے ، ایسے سٹیٹس لگانے کی قباحتوں اور ممکنہ اخروی نقصانات کے بارے میں بیان کر دیں ؟

الجوابُ حامِدا ًو مُصلیِّا ً

قرآن مجید کے آیات مبارکہ کو واٹس ایپ یا فیس بک وغیرہ کے سٹیٹس پر کسی نیک غرض سے (کہ اللہ تعالی کے کلام کو سنے) لگانے میں شرعاً حرج نہیں، البتہ اگر کوئی آیت مبارکہ ایسی ہو کہ مکمل آیت کے بغیر ادھوری آیت ذکر کرنے کیوجہ سے آیت کا مفہوم تبدیل ہو جاتا ہو، تو ایسی صورت میں اس بات کا خیال رکھا جائے کہ اسٹیٹس پر مکمل آیت مبارکہ کو لگایا جائے، کیونکہ ادھوری آیات لگوانے کی صورت میں چونکہ آیت درمیان میں کٹ جاتی ہے، جس سے اسکا مطلب مفہوم سمجھنا بھی مشکل ہوتا ہے اور ایک گونہ بے ادبی بھی ہے، اس لئے اس سے اجتناب کرنا چاہیئے ۔

مأخَذُ الفَتوی

كما في السنن الترمذي : عن أبي سعيد. قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ: " يَقُولُ الرَّبُّ عَزَّ وَجَلَّ: مَنْ شَغَلَهُ الْقُرْآنُ عَنْ ذِكْرِي وَمَسْأَلَتِي أَعْطَيْتُهُ أفضل ما أُعْطِي السَّائِلِينَ، وَفَضْلُ كَلَامِ اللَّهِ عَلَى سَائِرِ الكَلَامِ كَفَضْلِ اللهِ عَلَى خَلْقِهِ "ام (184/5)۔