نو مسلم عورت کا اپنے مسلمان شوہر اور اولاد کو حرام غذا کھلانے پر مجبور کرنا کیسا ہے؟

السلام علیکم ورحمۃ اللہ وبرکاتہ! کیا فرماتےہیں مفتیان کرام اس مسئلہ کے بارے میں کہ میں اپنے چچا کی شادی کے احوال معلوم کرنے کے لیے لکھ رہا ہوں، وہ جنوبی کوریا میں کسی غیر مسلم عورت سے شادی شدہ ہے، اور اس سے ایک بیٹی بھی ہے اس عورت نے پہلے اسلام قبول بھی کیا لیکن پھر بھی حرام کھانا نہیں چھوڑنا چاہتی، اور بیٹی کو بھی کھلاتی ہے ، مزید اس نے اپنے شوہر چچا سے جھگڑا بھی کیا کہ وہ بھی حرام کھانا کھائے،، چچا اپنی بیٹی کو بیوی کے ساتھ نہیں چھوڑ سکتا، جبکہ بیوی نے یہ بھی کہاکہ وہ الگ ہوجائے گی اگر چچا نے دوسرا الگ کھاناکھایا ان کے لیے کوئی حل بتائیے ، اور یہ بات معلوم کرنا ہے کہ حرام کھانا بلکل جائز نہیں ہے؟

الجوابُ حامِدا ًو مُصلیِّا ً

سائل کی چچی کااپنے شوہر اور بیٹی کو حرام غذا کھلانے پر مجبور کرنا خلاف شریعت عمل ہے جس کی وجہ سے وہ گناہ گار ہو رہی ہے، سائل کے چچا کو چاہیے کہ اسے اسلامی تعلیمات سے آگاہ کر کے حرام کھانے اور کھلانے سے منع کرے، اگر سمجھانے کے باوجود بھی وہ اپنے غلط طرز عمل سے باز نہ آئے تو کم از کم سائل کے چچا اورچچا زاد بیٹی پر لازم ہے کہ اللہ کی نافرمانی میں اس کی اتباع نہ کریں۔