مشینی ذبیحہ کا حکم

السلام علیکم ورحمۃ اللہ و برکاتہ! کیا فرماتے ہیں علماء کرام و مفتیان عظام اس مسئلہ کے بارے میں کہ وہ مرغی جو مشین ذبح کرتی ہے تکنیکی انداز سے ، کیا اس کو حلال کا درجہ دے سکتے ہیں یا نہیں؟

الجوابُ حامِدا ًو مُصلیِّا ً

اگر کوئی شخص بسم اللہ پڑھ کر مشین کا بٹن دبا دے اور مشین کا بلیڈ تمام جانوروں کی گردنوں پر بیک وقت (یعنی ایسا نہ ہو کہ کسی پر پہلے اور کسی پر بعد میں) تو اس سے وہ تمام جانور شرعاً بھی حلال شمار ہوں گے اور اُن کا کھانا بلاشبہ جائز اور حلال ہے، مگر عام طور پر ایسا نہیں ہوتا ، بلکہ بعض جانوروں کی گردنوں پر بلیڈ پہلے چل جاتا ہے، جبکہ دوسرے بعض کی گردنوں پر بعد میں۔ ان میں سے جن کی گردنوں پر پہلے چلا ہے وہ بلاشبہ حلال اور ذبح اسلامی کے مطابق ہیں اور بعد والےحرام اور میتہ کے حکم ہیں۔ پھر ان جانوروں میں چونکہ تفریق ممکن نہیں اور معاملہ حلال اور حرام کا ہے، اس لیے حرام شے کے کھانے سے بچنے کےلیے احتیاطاً سب پر ہی حرام کا اطلاق ہوتا ہے۔لہٰذا مشینی ذبیحہ کے کھانے احتراز لازم ہے۔

مأخَذُ الفَتوی

ففی الدر المختار: (و) ذکاۃ (الاختیار ذبح بین الحلق واللبۃ) بالفتح المخرمن الصدر (وعروقہ الحلقوم) کلہ وسطہ أو أعلاہ أو أسفلہ وھو مجری النفس علی الصحیح (والمرِئ) وھو مجرى الطعام والشراب (والودجان) مجرى الدم (وحل) المذبوح (بقطع أي ثلاث منها)(إلی قولہ)وشرط كون الذابح مسلما حلالا خارج الحرم إن كان صيداأو كتابيا ذميا أو حربيا(إلی قولہ) وتارك تسمية عمدا الخ (6/ 294،تا ۲۹۹)