شیزان کی مصنوعات کیوں نہیں خریدیں

السلام علیکم! حضرت سوال یہ ہے مجھے کسی دوست کے پاس جانا ہوا تو اس نے مجھے شیزان جوس پیش کیا اور وہ میں نے پی لیا ، جبکہ وہ قادیانی پروڈکس ہے اور مجھے معلوم تھا، لیکن انکار نہ کرسکا اور پی لیا ، بعد میں اس کو بھی اور خود کو بھی نہ پینے کی تلقین کی۔ حضرت کیا اس عمل سے میرے ایمان پر کچھ اثر تو نہیں پڑا؟

الجوابُ حامِدا ًو مُصلیِّا ً

واضح رہے کہ مصنوعات میں سے کسی چیز کو صرف اس وجہ سے ناجائز نہیں کہا جا سکتا کہ وہ کسی غیرمسلم کمپنی کی تیار شدہ ہے، بلکہ ناجائز ہونے کی اصل وجہ یہ ہے کہ غیر مسلم کمپنی اپنی مصنوعات کی آمدنی کا ایک بہت بڑا حصہ مخصوص طریقے سے ایک خاص مشن کے تحت اسلام اور مسلمانوں کے خلاف اور ان کو نقصان پہنچانے میں صرف کرتی ہے، اس طرح شیزان فیکٹری کی مصنوعات کی آمدنی کا ایک بہت بڑا حصہ بھی قادیانیت کی تبلیغ اور مسلمانوں کو مرتد بنانے اور اسلام اور مسلمانوں کو سخت نقصان پہنچانے میں صرف ہوتا ہے، اس کے علاوہ شیزان فیکٹری مرزائیوں کو سالانہ لاکھوں روپے قادیانیت کی نشرواشاعت کے لیے دیتی ہے، اگر یہ باتیں درست ہیں تو ایسی صورت میں شیزان کی مصنوعات میں سے کسی چیز کا خریدنا ، بیچنا اور استعمال میں لانا مسلمانوں کے لیے جائز نہیں۔
البتہ اگر کسی نے مروت میں جیسا کہ سائل نے کیا شیزان کمپنی کی مصنوعات خریدیں اور بیچیں، اور استعمال کیں تو اس کا ایمان تو باقی رہےگا، مگر اعانت علی المعصیۃ ہونے کی وجہ سے سخت گنہگار ہوگا، جس پر توبہ و استغفار اور آئندہ کے لیے اس سے اجتناب لازمی اور ضروری ہے۔

مأخَذُ الفَتوی

قال اللہ تعالیٰ: { وَلَا تَعَاوَنُوا عَلَى الْإِثْمِ وَالْعُدْوَانِ وَاتَّقُوا اللَّهَ إِنَّ اللَّهَ شَدِيدُ الْعِقَابِ} [المائدة: 2]
وفی الدر المختار: ولو أهدى لمسلم ولم يرد تعظيم اليوم بل جرى على عادة الناس لا يكفر وينبغي أن يفعله قبله أو بعده نفيا للشبهة اھ(6/ 754) ۔۔۔۔۔۔۔۔۔۔۔۔۔ واللہ أعلم بالصواب!