قوالی اور گانا گانے والوں کیلئے ویب سائٹ بنانا

میں سافٹ ویئر انجینئر کا طالب علم ہوں، مجھے ایک پروجیکٹ ملا ہے جس میں قوال اور گانے والوں کے بارے میں ویب سائٹ بنانی ہے، کلائنٹ سے میں نے ایڈوانس بھی لے لیے ، اپنے کام میں پیسے بھی لگالیے ہیں میں نے اپنے ساتھی سے بات کی مگر اس نے میری مدد کرنے سے انکار کردیا، اور کہا کہ یہ ناجائز کام ہے، جبکہ میں ایسا کوئی کام نہیں کر رہا کہ جس سے میں کوئی گانا، قوالی خریدوں، وہاں صرف ایک لنگ ہوگی جس میں گانے سننے کے بارے میں بتایا گیا ہے، میرا سوال یہ ہے کہ کیا مجھے یہ پروجیکٹ جاری رکھنا چاہیے یا کلائنٹ کو اس کے پیسے واپس لوٹا دینے چاہیے؟

الجوابُ حامِدا ًو مُصلیِّا ً

صورت مسئلہ میں قوال اور گانے والوں کیلئے مذکور ویب سائٹ بنانا ان کے ساتھ گناہ میں معاونت کی بناء پر شرعاً ناجائز اور گناہ ہے، جس سے احتراز لازم ہے۔ اس لئے سائل پر لازم ہے کہ مذکورہ معاملہ فوراًختم کر کے کلائنٹ کو ان کی رقم واپس کرے، اور ساتھ ساتھ اس عمل پر توبہ واستغفار بھی کرے۔

مأخَذُ الفَتوی

قال اللہ تعالٰی: ﴿وتعاونوا علی البرّ والتّقوٰی ولا تعاونوا علی الاثم والعدوان﴾ الآیۃ (المائدۃ: ۲)
وفی الہدایۃ: ولا یجوز الاستیجار علی الغناء والنوح وکذا سائر الملاہی لأنہ استیجار علی المعصیۃ.۔۔۔ (۳/ ۳۳) واللہ اعلم