نقد کے مقابلے میں ادھار پر چیز مہنگی اور زیادہ قیمت پر بیچنا

ہمارے گاؤں میں زرعی کاروبار ہوتا ہے ،اور ہم زمیندار لوگ ادھار پر بنیوں سے فصلوں اور دیگر اخراجات کے لئے سامان خریدتے ہیں ،جس کی وجہ سے انہیں بہت سارا پیسہ دینا پڑتا ہے ،کیا کوئی مسلمان ادھار پر ایک چیز جو کہ سو روپے کی ہے ،وہ چھ ماہ کے لئے 120 روپے کی دے سکتا ہے؟ اس کام کی وجہ سے ہمارے سندھ کے چھوٹے شہروں میں ہندو لوگ امیر ہوتے جارہے ہیں ،اور مسلمان کارو باری لوگ غریب ہیں۔

الجوابُ حامِدا ًو مُصلیِّا ً

کسی بھی چیز کو نقد کے مقابلے میں ادھار مہنگی اور زیادہ قیمت پر بیچنا بلا شبہ جائز اور درست ہے، اور یہ زیادتی سود بھی نہیں، تاہم ادھار کی صورت میں مندرجہ ذیل شرائط کا لحاظ رکھنا ضروری ہے، بصورتِ دیگر ادھار کا معاملہ سودی معاملہ ہو کر ناجائز ہوگا ۔
(۱) مجلسِ عقد میں یہ طے کر لیا جائے کہ یہ معاملہ ادھار پر ہوگا اور کل مدت کتنی ہوگی۔
(۲) مدت کے اندر اگر قسطیں طے کی جائیں ،تو ہر قسط کی مالیت طے کر لی جائے ،اور یہ بھی طے کر لیا جائے کہ کل کتنی قسطیں ہونگی۔
(۳) کسی قسط کی تاخیر یا شارٹ ہونے کی وجہ سے کوئی جرمانہ وغیرہ بھی مشروط نہ ہو ۔

مأخَذُ الفَتوی

كما في البحر الرائق: ومعناه الأمر ببيع العينة مثل أن يستقرض من تاجر عشرة فيأبى فيبيع منه ثوبا يساوي عشرة بخمسة عشر مثلا رغبة في نيل الزيادة ليبيعه المستقرض بعشرة ويتجمد خمسة سمي به لما فيه من الإعراض عن الدين إلى العين وهو مكروه لما فيه في الإعراض عن مبرة الإقراض مطاوعة لمذموم البخل كذا في الهداية اھ (6/ 256)۔