غیر مسلم ممالک میں پیک شدہ گوشت کی حلت وحرمت کا حکم

السلام علیکم مفتی صاحب !
میرا سوال یہ ہے کہ میں سعودی عرب میں ہوں، ادھر مارکیٹ میں گوشت ملتا ہے ،جس پر یورپ ممالک کا نام ہوتا ہے، یعنی یہ یورپ سے آتا ہے، تو کیا یہ ہمارے لئے حلال ہے یا حرام؟ شکریہ

الجوابُ حامِدا ًو مُصلیِّا ً

واضح ہو کہ غیر مسلم مالک سے جو پیک شدہ گوشت آتا ہے، اس کی حلت و حرمت کا تعلق محض حلال جانور کے گوشت ہونے اور اس پر مہر ہونے اور نہ ہونے کے ساتھ نہیں، بلکہ کسی حلال جانور کا گوشت ہونے کے ساتھ ساتھ مسلمان یا اہلِ کتاب کا اسے اللہ تعالی کے نام پر اور اصولِ شرعیہ کے مطابق ذبح کرنا بھی ہے، اب کسی ادارے کے متعلق اس طرح صراحت سے ذبحِ اسلامی کے اہتمام کرنے کا یقین ہو تو اس کے پیک شده گوشت کا کھانا درست ہو گا ۔ جبکہ موجودہ دور میں جو گوشت غیر مسلم ممالک سے پیک شدہ آتا ہے چونکہ ان کا مکمل ذبحِ اسلامی ہونے کا یقین نہیں ہوتا، لہٰذا ان کا کھانا اس وقت تک درست نہیں جب تک کسی مسلمان سے اس بات کی تصدیق نہ ہو جائے کہ یہ تمام اسلامی شرائط کے مطابق ذبح شدہ ہے ۔

مأخَذُ الفَتوی

قال الله تعالى : {وَلَا تَأْكُلُوا مِمَّا لَمْ يُذْكَرِ اسْمُ اللَّهِ عَلَيْهِ وَإِنَّهُ لَفِسْقٌ } [الأنعام: 121]۔
و في الدر المختار: (لا) تحل (ذبيحة) غير كتابي من (وثني ومجوسي ومرتد) (إلی قوله) (وتارك تسمية عمدا) اھ (6/ 298)۔
و في حاشية ابن عابدين (رد المحتار): (قوله وتارك تسمية عمدا) بالجر عطفا على وثني: أي ولا تحل ذبيحة من تعمد ترك التسمية مسلما أو كتابيا لنص القرآن ولانعقاد الإجماع اھ (6/ 299)۔