اسلام میں داخل ہونے کا طریقہ

(۱) آج کل ٹی وی اور انٹرنیٹ پر کچھ ویڈیوز میں یہ دیکھا کہ اگر کوئی غیر مسلم اسلام میں داخل ہونے کا ارادہ کرتاہے تو اس کو اسی محفل میں تمام لوگوں کے سامنے کلمہ پڑھا دیا جاتاہے اور مبارک باد دے کر دعا دی جاتی ہے؟ اسلام میں داخل کرنے کا یہ طریقہ کس حد تک درست ہے؟ ہمارے نبی اور صحابہ کرامؓ کا اس سلسلہ میں کیا طریقہ تھا؟
(۲) کسی غیر مسلم کے اسلام میں داخل ہونے کے حوالہ سے بعض افراد یہ کہتے ہیں کہ اس فرد کے لیے یہ کہنا کہ اُس نے اسلام قبول کرلیا، اس سے زیادہ بہتر یہ کہنا کہ وہ اسلام کی طرف لوٹ آیا، کیونکہ ہر انسان فطرتاً مسلمان ہی پیدا ہوتاہے، یہ کہنا کس حد تک درست ہے اور حدیث میں اس حوالہ سے کس طرح کے الفاظ آئے ہیں؟

الجوابُ حامِدا ًو مُصلیِّا ً

اسلام میں داخل ہونےکیلیے دن، جگہ، وقت کا تعین ضروری نہیں، بلکہ کسی بھی جگہ کوئی بھی کافر کلمہ شہادت پڑھ کر اسلام کی حقانیت کو تسلیم کرکے اس میں داخل ہوسکتاہے اور اس کیلیے چاہے یہ کہیں کہ ’’اس نے اسلام قبول کرلیا‘‘ یا ’’وہ اسلام کی طرف لوٹ آیا‘‘ یا ’’ اسلام میں داخل ہوگیا‘‘ کوئی بھی تعبیر اختیار کرسکتی ہے، اس میں شرعاً کوئی حرج نہیں۔

مأخَذُ الفَتوی

ففي رد المحتار: وقال بعض مشايخنا: إذا قال دخلت في الإسلام يحكم بإسلامه (4/ 228)
وفي الدر المختار : فيكتفي في الأولين بقول لا إله إلا الله، وفي الثالث بقول محمد رسول الله، وفي الرابع بأحدهما، وفي الخامس بهما مع التبري عن كل دين يخالف دين الإسلام بدائع وآخر كراهية الدرر،(4/ 227)
وفي بدائع الصنائع: أما النص فهو أن يأتي بالشهادة أو بالشهادتين أو يأتي بهما مع التبري ( ( ( التبرؤ ) ) ) مما هو عليه صريحا (7/ 102) واللہ أعلم بالصواب!