بچوں کے بڑے ہوجانے کے بعد سب کا ایک ساتھ عقیقہ

جناب السلام علیکم ہم آٹھ بھائی بہنیں ، ہیں ہم میں سے کسی کا بھی عقیقہ نہیں ہوا، ہمارے والدین اب ہمارا عقیقہ کرنا چاہتے ہیں اس کے لیے کیا طریقہ کار ہوگا؟ کیا سب کے لیے الگ سے جانور ذبح کریں گے؟ کیونکہ وہ الگ جدوجہد نہیں کر سکتے تفصیل سے جواب دیں

الجوابُ حامِدا ًو مُصلیِّا ً

سائل اور اس کے بہن بھائیوں کا عقیقہ نہ ہوا ہو تو وہ اب بھی کر سکتے ہیں جبکہ ہر ایک کے لیے علیحدہ جانور ذبح کرنے کی استطاعت نہ ہو یا یہ مشکل ہو رہا ہو تو ایک بڑا جانور سات افراد کی طرف سے کیا جا سکتا ہے جب کہ ایک کے لیے بکرا وغیرہ ذبح کیا جائے۔

مأخَذُ الفَتوی

کما فی إعلاء السنن: ولو ذبح بدنۃ أو بقرۃ عن سبعۃ أولاد أو اشترک فیہا جماعۃ جاز سواء أرادوا کلہم العقیقۃ أو أراد بعضہم العقیقۃ وبعضہم اللھم کما فی الأضحیۃ (شرح المہذب ۸: ۲۹) قلت: من ذھبنا فی الأضحیۃ بطلانہا بارادۃ بعضہم اللحم فلیکن کذلک فی العقیقۃ وأما علی قول أئمتنا فلا بأس بہ لأنہم لا یرونہا کالأضحیۃ (ج:۱۷: ص:۱۱۹) واللہ أعلم بالصواب