حج فرض ہونے سے قبل کیے گئے حج سے کیا فریضہ حج ساقط ہوجائیگا؟

میں اپنی والدہ کے ساتھ حج پر جانا چاہتا ہوں ،مجھ پر ابھی حج فرض نہیں ہوا ،اور والدہ پر حج فرض ہے ،حج کا تمام خرچہ والدصاحب ادا کریں گے ،تو پوچھنا یہ تھا کہ اگر میں اب حج کرلوں اور اس کے بعد جب مجھ پر حج فرض ہوگا تو کیا مجھے حج دوبارہ کرنا پڑے گا یا یہی والا حج کافی ہوگا ؟

الجوابُ حامِدا ًو مُصلیِّا ً

سائل اگر بلوغت کی عمر کو پہنچ چکا ہو اور حج کی مالی استطاعت نہ رکھنے کی وجہ سے اس پر حج فرض نہ ہوا ہو، تو والدہ کے ساتھ حج کرنے سے اس کا فریضۂ حج اد ا ہوجائے گا ،اگر چہ اس سفر کے اخراجات سائل کے والد صاحب نے اٹھائے ہو ں اور آئندہ مالی استطاعت حاصل ہونے پر بھی اس پر دوبارہ حج فرض نہ ہوگا ۔

مأخَذُ الفَتوی

کما فی البدائع : وأما شرائط فرضيته فنوعان: نوع يعم الرجال، والنساء ونوع يخص النساء أما الذي يعم الرجال، والنساء فمنها: البلوغ، ومنها العقل فلا حج على الصبي، والمجنون؛ لأنه لا خطاب عليهما فلا يلزمهما الحج حتى لو حجا، ثم بلغ الصبي، وأفاق المجنون فعليهما حجة الإسلام، وما فعله الصبي قبل البلوغ يكون تطوعااھ (2/ 120)۔
و فی مجمع الانھر : ولو حج الفقير ثم استغنى لم يحج ثانيا؛ لأن شرط الوجوب التمكن من الوصول إلى موضع الأداء ألا ترى أن المال لا يشترط في حق المكي وفی النوادر أنه يحج ثانيا اھ (1/ 260)۔