والدین کے حقوق

والدین کی بے اکرامی کرنے والی اولاد کا حکم

فتوی نمبر :
101491
| تاریخ :
2026-11-14
معاشرت زندگی / حقوق و فرائض / والدین کے حقوق

والدین کی بے اکرامی کرنے والی اولاد کا حکم

کیا فرماتے ہیں علماء کرام اس مسئلہ کے بارے میں ، کہ ایسی اولاد کا کیا حکم ہے جو ماں باپ کو مارتا ہو اور گالی دیتا ہو اور دھمکیاں دیتا ہو، جائیداد کے کاغذات بھی چوری کرلے، خرچہ بھی نہ دے اور قتل تک کی دھمکی دیدے اور زیورات بھی چوری کرلے اور رات کے بارہ ایک بجے تک اس کے مہمان آتے رہتے ہیں، جو ہماری نیند خراب کرتے ہیں، ہم بحیثیت باپ اگر کچھ کہتے ہیں تو کہتا ہے کہ ہمارے مہمانوں کی بے عزتی کررہے ہو ۔

الجوابُ حامِدا ًو مُصلیِّا ً

واضح ہو کہ اسلام میں والدین کا بہت بڑا مقام ہے، اور انسان پر بیک وقت دونوں میں سے ہر ایک کی حسب استطاعت خدمت اورمباح امور میں اطاعت لازم اور ضروری ہے، اور دانستہ طور پر کسی قسم کی نافرمانی یا معمولی سی تکلیف دینا بھی ازروئے قران وحدیث حرام اور گناہ کبیرہ ہے،لہذا صورت مسئولہ میں سائل کی اولاد سخت گناہ میں مبتلا ہے، ان پر لازم ہے کہ بصدق دل توبہ اور استغفار کرکے اپنے والدین سے معافی مانگے اور آئندہ کیلئے اپنے والدین کے ساتھ حسن سلوک کا اہتمام کرے، البتہ سائل کو بھی چاہئے کہ وہ اپنی اولاد کے ساتھ حکمت اور نرمی کے ساتھ پیش آئے اور انہیں وعظ و نصیحت کرے ، تاہم اگر وعظ ونصیحت سے سائل کی اولاد نہ سدھرے تو اپنے خرچے اور جائیداد کیلئے قانونی چارہ جوئی بھی کی جاسکتی ہے۔

مأخَذُ الفَتوی

کما جاء فی التنزیل العزیز: ﵟوَقَضَىٰ رَبُّكَ أَلَّا تَعۡبُدُوٓاْ إِلَّآ إِيَّاهُ وَبِٱلۡوَٰلِدَيۡنِ إِحۡسَٰنًاۚ إِمَّا يَبۡلُغَنَّ عِندَكَ ٱلۡكِبَرَ أَحَدُهُمَآ أَوۡ كِلَاهُمَا فَلَا تَقُل لَّهُمَآ أُفّٖ وَلَا تَنۡهَرۡهُمَا وَقُل لَّهُمَا قَوۡلٗا كَرِيمٗا ، وَٱخۡفِضۡ لَهُمَا جَنَاحَ ٱلذُّلِّ مِنَ ٱلرَّحۡمَةِ وَقُل رَّبِّ ٱرۡحَمۡهُمَا كَمَا رَبَّيَانِي صَغِيرٗاﵞ (الاسراء،ایۃ:23)
وروی البخاری بسندہ: عن عبد الرحمن بن أبي بكرة، عن أبيه رضي الله عنه قال:قال رسول الله صلى الله عليه وسلم: (ألا أنبئكم بأكبر الكبائر). قلنا: بلى يا رسول الله، قال: (الإشراك بالله، وعقوق الوالدين - وكان متكئا فجلس فقال - ألا وقول الزور، وشهادة الزور، ألا وقول الزور، وشهادة الزور). فما زال يقولها، حتى قلت: لا يسكت. (کتاب الادب، باب عقوق الوالدین من الکبائر،ج:5، ص:2229، ط:دار ابن الکثیر، رقم الحدیث:5631)
وفی مشکاۃ المصابیح: وعن ابن عباس قال: قال رسول الله صلى الله عليه وسلم: «من أصبح مطيعا لله في والديه أصبح له بابان مفتوحان من الجنة وإن كان واحدا فواحدا. ومن أمسى عاصيا لله في والديه أصبح له بابان مفتوحان من النار وإن كان واحدا فواحدا» قال رجل: وإن ظلماه؟ قال: «وإن ظلماه وإن ظلماه وإن ظلماه»(کتاب الاداب، باب البر والصلۃ، الفصل الثالث ج:3، ص:1382، ط:المکتب الاسلامی، رقم الحدیث:4943)
وفی الھدایۃ: وعلى الرجل أن ينفق على أبويه وأجداده وجدته إذا كانوا فقراء وإن خالفوه في دينه " أما الأبوان فلقوله تعالى: {وَصَاحِبْهُمَا فِي الدُّنْيَا مَعْرُوفاً} [لقمان: من الآية15] نزلت الآية في الأبوين الكافرين وليس من المعروف أن يعيش في نعم الله تعالى ويتركهما يموتان جوعا ،الخ ( کتاب الطلاق، باب النفقۃ، فصل وعلی الرجل أن ينفق على أبويه، ج:2، ص: 292، ط:دار احیاء التراث العربی)

واللہ تعالی اعلم بالصواب
حسین احمد عبدالصمد عُفی عنه
دار الافتاء جامعه بنوریه عالمیه
فتوی نمبر 101491کی تصدیق کریں
0     13
Related Fatawa متعلقه فتاوی
  • والدین کا ذاتی رنجش کی وجہ سے اولاد کو رشتہ داروں سے قطع تعلق کرنے کا حکم

    یونیکوڈ   اسکین   انگلش   والدین کے حقوق 0
  • والدین کا اولاد کے حق میں بددعاکرنا

    یونیکوڈ   اسکین   انگلش   والدین کے حقوق 0
  • والدین کی خدمت کس کی ذمے داری ہے ؟

    یونیکوڈ   اسکین   والدین کے حقوق 0
  • والدہ کو" حجِ کعبہ "کہنے کا حکم

    یونیکوڈ   اسکین   انگلش   والدین کے حقوق 0
  • داڑھی رکھنے پر والدہ کی نافرمانی ہوتی ہے

    یونیکوڈ   اسکین   والدین کے حقوق 0
  • بیٹے کے نافرمانی کی وجہ سے سسر بہو سے زیورات واپس لے سکتاہے؟

    یونیکوڈ   اسکین   والدین کے حقوق 0
  • نافرمان بیوی اور اولاد کا حکم

    یونیکوڈ   والدین کے حقوق 0
  • تبلیغی جماعت میں جانے کیلئے ملازمت سے استعفیٰ دینا

    یونیکوڈ   والدین کے حقوق 0
  • نافرمان اولاد کو عاق کرنے کا حکم

    یونیکوڈ   والدین کے حقوق 0
  • معمر والد کی دوسری شادی اور نان و نفقہ سے متعلق

    یونیکوڈ   والدین کے حقوق 0
  • والدین کے ساتھ سخت رویہ رکھنا

    یونیکوڈ   والدین کے حقوق 0
  • اسلام میں خدمتِ والدین کا مقام

    یونیکوڈ   والدین کے حقوق 0
  • بیٹوں کی موجودگی میں شادی شدہ بیٹی پر والدین کی خدمت کا حکم

    یونیکوڈ   والدین کے حقوق 0
  • کیا بچوں کی شادی میں دادا دادی کی مرضی کا خیال رکھنا لازم ہے؟

    یونیکوڈ   والدین کے حقوق 0
  • والدہ کی وفات کے بعد ان کی مرضی کے خلاف پسند کی شادی کرنے کا حکم

    یونیکوڈ   والدین کے حقوق 0
  • والدہ کی خدمت بیٹوں اور بیٹیوں میں سے کس کے ذمہ ہے؟

    یونیکوڈ   والدین کے حقوق 0
  • کاروبار اور حصولِ تعلیم کے لیے والدین سے الگ ہونا

    یونیکوڈ   والدین کے حقوق 0
  • کیا والد اپنی بالغ اولاد کو کسی سے تحفہ وغیرہ لینےسے منع کرسکتا ہے ؟

    یونیکوڈ   والدین کے حقوق 1
  • بیٹے کا والد سے جدا ہونا

    یونیکوڈ   والدین کے حقوق 0
  • بیٹے کا والدہ کو باہر ملک اپنے ساتھ نہ رکھنے کا حکم

    یونیکوڈ   والدین کے حقوق 0
  • والد کے گناہوں کی وجہ سے ان سے بات نہ کرنا

    یونیکوڈ   والدین کے حقوق 0
  • گھریلو جھگڑوں کی وجہ سے بیٹےکے لئے ماں سے الگ ہونے کا حکم

    یونیکوڈ   والدین کے حقوق 0
  • Ruling of behavior with fathers wife after father is passed away

    یونیکوڈ   انگلش   والدین کے حقوق 1
  • ناجائز امور میں والدین کی اطاعت کاحکم؟

    یونیکوڈ   والدین کے حقوق 0
  • والدین کو چھوڑ کر کسی اور شہر میں مقیم ہوکر شادی کرنے کا حکم

    یونیکوڈ   والدین کے حقوق 0
Related Topics متعلقه موضوعات