بسم الله الرحمن الرحيم،
کیا فرماتے ہیں مفتیان کرام اس مسئلہ کے بارے میں کہ
صورت مسئلہ :
ایک شخص نے اپنی رقم سے کسی دوسرے شخص کو ایک گاڑی خرید کر دی، اس گاڑی کی قیمت پانچ لاکھ روپے ہے، پھر اس نے دوسرے کو کہا کہ ایک سال بعد آپ نے مجھے رقم ادا کرنی ہے لیکن اس کے ساتھ میں آپ سے ایک لاکھ روپے نفع بھی لوں گا بھی کل چھ لاکھ روپے آپ نے مجھے ادا کرنے ہیں ۔
پھر مقررہ وقت پر وہ شخص پوری رقم یا کچھ رقم ادا نہ کر سکا تو پھر وہ شخص اس سے کہتا ہے کہ میں آپ کو کچھ وقت مزید دیتا ہوں، لیکن اس کے ساتھ آپ کی جو مقررہ رقم ہے وہ بھی میں بڑھاؤں گا یعنی اگر پہلے چھ لاکھ آپ نے مجھے دینے تھے تو ابھی میں آپ سے ساڑھے چھ لاکھ لوں گا۔ ابتداء عقد میں یہ بات طے نہیں ہوئی تھی ۔
دوسری صورت یہ ہے زید نے گاڑی خرید کر بکر کو دی جسکی قیمت گیارہ لاکھ ہے، زید نے بکر کو کہا آپ نے ہر مہینے ایک لاکھ روپے گاڑی کی قسط دینی ہے، ایک لاکھ میں آپ سے نفع لوں گا ،کل بارہ لاکھ آپ نے مجھے ادا کرنے ہیں، پھر بکر بارہ مہینوں میں پوری رقم یا کچھ رقم ادا نہ کر سکا تو زید اس سے کہتا ہے کہ میں آپ کو مزید دو ماہ دیتا ہوں لیکن اس کے ساتھ آپ نے مجھے مقرر رقم سے کچھ مزید رقم بھی دینی ہے یعنی پہلے اگر بارہ لاکھ آپ نے مجھے دینے تھے تو ابھی آپ نے مجھے13 لا کھ دینے ہیں حالانکہ ابتداء عقد میں اس طرح کی کوئی بات طے نہیں ہوئی تھی
سوال میں ذکر کردہ دونوں صورتوں میں اگر بائع پانچ لاکھ /گیارہ لاکھ میں گاڑی خرید کر اس پر قبضہ کرنے کے بعد آگے ادھار یا قسطوں پر مقررہ رقم (چھ لاکھ/بارہ لاکھ پر فروخت کرے تو یہ معاملہ شرعاً جائز اور درست ہے۔تاہم مقررہ وقت پر ادائیگی نہ ہونے کی صورت میں بائع کا مزید مہلت دیکر اس پر اضافی رقم لینا صریح سود ہے جو کہ حرام اور ناجائز ہے،جس سے بہر صورت اجتناب لازم ہے۔
«صحيح البخاري بتحقيق: د. مصطفى ديب البغا» (2/ 733):
«23 - باب: قول الله تعالى: {يا أيها الذين آمنوا لا تأكلوا الربا أضعافا مضاعفة واتقوا الله لعلكم تفلحون} /آل عمران: 130/.
(الربا) الزيادة. (أضعافا مضاعفة) كانوا في الجاهلية إذا حل أجل الدين قال الدائن للمستدين: إما أن تقضي وإما أن تربي، أي أزيدك في الأجل وتزيدني في الدين، وهكذا ربما تكرر هذا فيتضاعف مقدار الدين.»(ج:2،ص:733،ط:دار ابن كثير)
سونا قرض دے کر بعد میں کچھ کی ادائیگی کے لئے سونے اور بقیہ کی ادائیگی کے لئے نقد رقم کی شرط لگانا
یونیکوڈ سود 1