السلام علیکم مفتی صاحب میں نے اپنی قربانی کے لیے اپنے گھر میں بکرے پالے ہوئے ہیں اور انکو خصی کروانے کے لئے ڈاکٹر کو بلوایا تو اس نے ایک نئے طریقے سے انکو پلاسٹک کا رینگ چڑھا کے خصی کر دیا اب مسئلہ یہ ہے کے کچھ ٹائم کے بعد ان خصیے سوکھ کر گر گئے ۔ اب سب لوگ مجھے کہ رہے ہیں کے انکی قربانی جائز نہیں ہوگی ۔ کیونکہ ان میں عذر پیدا ہو گیا ہے ۔ اسلام کی روشنی میں اسکے لئے کیا حکم ہے؟
واضح ہو کہ جانور کا خصی ہونا کوئی عیب نہیں، بلکہ نبی کریم صلی اللہ علیہ وسلم سے بھی خصی جانور کی قربانی کرنا ثابت ہے، اس لئے سائل کا مذکور جانور کی قربانی کرنا بلا شبہ جائز اور درست ہے۔
كما في الفتاوى الهندية: ويجوز المجبوب العاجز عن الجماع. إلخ (كتاب الأضحية، الباب الخامس في بيان محل إقامة الواجب، ج: 5، ص: 297، ط: المطبعة الكبرى الأميرية)
وفي حاشية ابن عابدين: تجوز التضحية بالمجبوب العاجز عن الجماع، والتي بها سعال، والعاجزة عن الولادة لكبر سنها، والتي لها كي، والتي لا لسان لها في الغنم خلاصة. إلخ (كتاب الأضحية، ج: 6، ص: 325، ط: ايج ايم سعيد)