السلام علیکم ورحمتہ اللہ وبرکاتہ !
کیا فرماتے ہیں مفتیان کرام اس مسئلہ کے بارے میں کہ UBL, MCB NBP,HBL ان تمام بینکوں میں ملازمت (ملازمت کی نوعیت کیشئر،کمپیوٹر آپریٹر ہے) اختیار کرنا شرعاً کیسا ہے ؟
سوال میں مذکور چاروں بینکوں کا کاروبار چونکہ سودی لین دین پر مشتمل ہے، اس لیے ان بینکوں میں اس طرح کی کوئی بھی ملازمت اختیار کرنا کہ جس کا براہ راست سودی لین دین سے تعلق ہو، شرعاً جائز نہیں، اس سے اجتناب لازم ہے، البتہ ہماری معلومات کے مطابق مذکور چاروں بینکوں کی غیر سودی برانچز بھی موجود ہیں، چنانچہ اگر وہ برانچز مستند مفتیانِ کرام پر مشتمل شریعہ بورڈ کے زیرِنگرانی اپنے مالی معاملات سر انجام دے رہی ہوں اور ان کی پریکٹس بھی شرعی ضابطوں کے مطابق ہو، تو ان غیر سودی برانچز میں کوئی بھی ملازمت اختیار کرنا شرعاً درست ہے۔
ففی فقه البیوع: السابع: أن یؤجر المرأ نفسه للبنک بأن یقبل فیه وظیفة فان كانت الوظیفة تتضمن مباشرة العملیات الربویة، أو العملیات المحرمة الأخری، فقبول ہذه الوظیفة حرام، وذلک مثل التعاقد بالربوا أخذا أو عطاء، أو خصم الکمبیالات، أو کتابة ہذہ العقود، أو التوقیع علیها، أو تقاضی الفوائد الربویة، أو دفعہا، أو قیدہا فی الحاسب بقصد المحافظة علیہا، أو ادارۃ البنک، أو ادارۃ فرع من فروعه، فان الادارۃ مسئولة عن جمیع نشاطات البنک التی غالبہا حرام۔ (1064/2)
اگر بینک منیجر کی تنخواہ حرام ہو تو بینک میں منیجر کی ذمہ داری کون پوری کرے؟
یونیکوڈ بینک کی ملازمت 0