مسائل قربانی
امریکہ میں مقیم شخص کا دوسرے ملک میں قربانی کروانے کا حکم
فتوی نمبر : 70793
امریکہ میں مقیم شخص کا دوسرے ملک میں قربانی کروانے کا حکم
عبادات / قربانی و ذبیحہ / مسائل قربانی
امریکہ میں مقیم شخص کا دوسرے ملک میں قربانی کروانے کا حکم
محترم! میں امریکہ میں رہتا ہوں، بنگلادیش میں قربانی کے وقت قربانی دیتا ہوں، اس صورت میں بعض اوقات ایسا ہوتا ہے کہ بنگلادیش میں عید ایک دن پہلے اور امریکہ میں ایک دن بعد ہوتی ہے، کیا میری طرف سے قربانی کی جائے گی؟ براہ کرم مجھے تفصیلی حوالہ کے ساتھ بتائیں۔
الجوابُ حامِدا ًو مُصلیِّا ً
واضح ہو کہ جس آدمی پر قربانی واجب ہے ، اگر وہ قربانی کےلئے رقم کسی اور ملک میں بھیج دے ، اور کسی کو قربانی کرنے کےلئے کہہ دے تو اس طرح رقم بھیج کر دوسرے ممالک میں قربانی کرانا درست ہے ، البتہ اس بات کا خیال رکھنا ضروری ہے کہ قربانی دونوں ممالک کے مشترکہ ایام میں ہو ، یعنی جس دن قربانی کی جائےگی وہ دن دونوں ممالک میں قربانی کا مشترکہ دن ہو ، ورنہ قربانی درست نہیں ہوگی ، لہٰذا سائل کی طرف سے اگر بنگلادیش میں قربانی کی جائے تو اس کےلئے ایسے دن کا انتخاب ضروری ہے جس دن امریکہ اور بنگلادیش دونوں ممالک میں عید (قربانی) کا دن ہو ۔
مأخَذُ الفَتوی
کمافی بدائع الصنائع: لأن الذبح هو القربة فيعتبر مكان فعلها لا مكان المفعول عنه وإن كان الرجل في مصر وأهله في مصر آخر فكتب إليهم أن يضحوا عنه روي عن أبي يوسف أنه اعتبر مكان الذبيحة فقال: ينبغي لهم أن لا يضحوا عنه حتى يصلي الإمام الذي فيه أهله، وإن ضحوا عنه قبل أن يصلي لم يجزه، وهو قول محمد اھ (ج5، صـــ74، ط:سعید)۔
محمد سفیان رشید عُفی عنه
دار الافتاء جامعه بنوریه عالمیه
فتوی نمبر 70793کی تصدیق کریں
Related Fatawa متعلقه فتاوی
Related Topics متعلقه موضوعات
-
131مسائل قربانیRules for the Secrifice
-
23احکام ذبحRules of Slaughter
-
1شفاعتIntercession