جاز کیش اور ایزی پیسہ اکاؤنٹ کسی دوسرے نیک ورک پر بنانے کا حکم

جاز کیش اکاؤنٹ جاز کے نمبر اور ایزی پیسہ اکاؤنٹ ٹیلی نار کے نمبر پر بنائے گئے اکاؤنٹ میں رقم رکھنے اور ٹرانزیکشن کرنے سے فری منٹ اور ایس ایم ایس وغیرہ ملتے ہیں ، یہ تو سود ہے ،لیکن اگر ہم جاز کیش اکاؤنٹ جاز کے علاوہ کسی اور نیٹ ورک پر اور ایزی پیسہ اکاؤنٹ ٹیلی نار کے علاوہ کسی اور نیٹ ورک کے نمبر پر بناتے تو ہمیں کچھ نہیں ملتا ، کیا اس صورت میں جاز اور ایزی پیسہ استعمال کرنا جائز ہوگا ؟

الجوابُ حامِدا ًو مُصلیِّا ً

واضح ہو کہ ایزی پیسہ اور جیز کیش اکاؤنٹ کھلوانا فی نفسہ جائز ہے ، اور کاؤنٹ میں جو رقم رکھوائی جاتی ہے ، فقہی لحاظ سے وہ قرض ہے ، اورقرض پر کسی بھی قسم کا مشروط یا معروف نفع لینا سود ہے، لہذا جاز کیش یا ایزی پیسہ پر دیئے جانے والے فری منٹس ایس ایم ایس وغیرہ قرض پر نفع ہونے کی بنا پر سود ہے، جس سے احتراز لازم ہے، البتہ اگر سائل جاز کیش اکاؤنٹ کے علاوہ کسی اور نیٹ ورک پر اور ایزی پیسہ اکاؤنٹ ٹیلی نار کے علاوہ کسی اور نیٹ ورک کے نمبر پر کھلواتا ہے ، اور اس میں فری منٹ ایس ایم ایس وغیرہ نہیں ملتے تو اس طرح کے اکاؤنٹ کھلوانا اور اس کو اپنے استعمال میں لانا جائز ہے ۔

مأخَذُ الفَتوی

کما فی ردالمحتار: تحت قوله( كل قرض جر نفعا حرام) أي إذا كان مشروطا كما علم مما نقله عن البحر، وعن الخلاصة وفي الذخيرة وإن لم يكن النفع مشروطا في القرض، فعلى قول الكرخي لا بأس به ويأتي تمامه(فصل فی القرض ،ج 5 ص 166 ط: سعید)