میرا سوال یہ ہے کہ میں نے اپنے دل میں یہ فرض کیا ہے کہ میں روزانہ ایک روپے خیرات کرونگا ۔ لیکن اب میں ایک ایسے ملک میں ہوں جہاں نہ کوئی غریب ہے اور نہ مسجد میں کوئی چندہ بکس ہے، اب میں اس خیرات کو جمع کرکے ایک ساتھ کہیں دوسرے ملک بھیج سکتا ہوں یا کوئی دوسرا طرقہ اختیار کروں ؟
سائل نے اگر روزانہ ایک روپے صدقہ دینے کی صرف نیت کی ہو باقاعدہ کوئی منت نہ مانی ہو تو سائل پر یہ صدقہ دینالازم نہیں،البتہ اگر سائل روزانہ کی بنیاد پر ایک روپے صدقہ کرنا چاہتا ہو لیکن قرب و جوار میں مستحق افراد نہ ہونے کی وجہ سے اس کی کوئی ترتیب نہ بن رہی ہو تو سائل کے لئے صدقے کی یہ رقم جمع کرکے کسی دوسرے شہر یا ملک بھیجنا بلا شبہ جائز اور درست ہے ۔