دینی مجالس کی ویڈیو بنانا

کیا فرماتے ہیں مفتیانِ کرام مذکورہ مسئلہ کے بارے میں کہ جب دینی جلسہ ہوتا ہے تو بڑے بڑے علماء کی تقاریر کو ویڈیو کیسٹ کرتے ہیں ، بعد میں انھیں وی سی آر میں دیکھا جاتا ہے ، آیا یہ شرعاً جائز ہے کہ نہیں؟ اور اس کا حکم کیا ہے ؟ تصویر کے حکم میں ہے کہ نہیں؟ اور اگر تصویر کے حکم میں ہے تو علماء اس سے منع کیوں نہیں کرتے ہیں؟ آیا اس کے اندر کچھ گنجائش ہے؟ برائے کرم شریعت کی روشنی میں جواب دیں ، شکریہ
السائل: ابو نعم حمدللہ بلوچستانی

الجوابُ حامِدا ًو مُصلیِّا ً

ویڈیو کیسٹ کا غالب استعمال چونکہ حرام کاموں میں ہورہا ہے اور تبلیغی امور میں اس کے استعمال سے ویڈیو کیسٹ کے ناجائز استعمالات کی حوصلہ افزائی بہر حال ہوتی ہے ، اسلئے تبلیغی امور میں بھی ویڈیو کیسٹ کو ذریعہ تشہیر بنانا درست نہیں ، اور پھر اس کے تصویر ہونے کا اگر یقین نہ بھی ہو جیسا کہ بعض محققین کی رائے ہے ، تاہم تصویر ہونے کا شبہ باقی ہے ، لہٰذا ایسے امور سے اجتناب کرنا چاہئے۔