دیوبند کا مطلب کیا ہے ؟

میں دیوبند کا مطلب جاننا چا ہتا ہوں ، کیونکہ میں نے ایک کتاب میں اس کا مطلب شیطان کی جماعت پڑھا ہے، کیونکہ دیو کا مطلب شیطان ہے۔ مہر بانی فرما کر واضح کریں۔

الجوابُ حامِدا ًو مُصلیِّا ً

واضح ہو کہ دیوبند ہندوستان میں واقع مقام کا نام ہے، جس کی شہرت اس میں قائم شدہ مدرسہ دارالعلوم کی بناء پر ہے اور دیوبندی عرف کے اعتبار سے وہ حضرات کہلاتے ہیں جو کہ دارالعلوم دیو بند کے علماء کرام سے موافقت رکھتے ہیں ، دیو سند کے لفظی ترجمہ سے اس کا کوئی تعلق نہیں۔
تاہم دیو بند کے معانی لغت کے اعتبار سے مختلف کئے گئے ہیں، بعض حضرات نے کہا ہے کہ ہندوؤں نے اپنی معبودہ جسے وہ دیوی کہتے ہیں اس کی طرف نسبت کرکے ’’دیو‘‘ اور ’’بند‘‘کے معنی جگہ کے بھی ہیں یعنی’’ دیوی کی جگہ ‘‘ ، اسی شرح بعض حضرات کا کہنا ہے کہ وہاں جنات ہوا کرتے تھے جنہیں ہندو اپنے دیوتا مانتے تھے ، علماء کرام نے آکر وہاں کے تمام باطل طور طریقے ختم فرمائے اور ان جناب کوقید کر دیا، اس ا اعتبار سے یہ مقام دیوبند کہلانے لگا، جبکہ مسلک دیوبند کا اس لفظ کے اچھے برے معنی سے کوئی تعلق نہیں ۔ اور نہ یہ کہ اُن کے اعمال وغیرہ پر اثر انداز ہے ، البتہ اہل بدعت اور دیگر مفسدین اپنی اسلامی دشمنی کو چھپاتے ہوئے اور علماء حق کو بد نام کرنے کی غرض سے اس قسم کے جاہلانہ انداز اختیار کرتے رہے ہیں جو ایک مسلمان کی شان کے لائق نہیں ۔ اس سے احتراز ضروری ہے۔ واللہ اعلم بالصواب