مسائل قربانی
کھسرا (خنثی) جانورکی قربانی کرنا
فتوی نمبر : 57289
کھسرا (خنثی) جانورکی قربانی کرنا
عبادات / قربانی و ذبیحہ / مسائل قربانی
کھسرا (خنثی) جانورکی قربانی کرنا
اسلام علیکم امید کرتا ہوں کہ آپ خیریت سے ہونگے
میرا سوال یہ ہے کہ میں نے ایک بکرا لیا تھا جوکہ قربانی کے لیے تھا رات کے اندھیرے میں منڈی والے نے دے دیا اگلے دن جب قربانی کی تو قصائی نے کہا کہ یہ بکرا کھسرا ہے اس کی قربانی نہیں ہوتی اب کیونکہ اس کو کاٹ دیا تھا اب یہ بتا دیں کہ ہماری قربانی ہو چکی یہ نہیں
الجوابُ حامِدا ًو مُصلیِّا ً
فقہاء کرام کی تصریح کے مطابق جانورکا خنثی (کھسرا)ہونا ایساعیب ہے، جو صحت قربانی سے مانع ہے،تاہم اگر کوئی شخص اس کوذبح کردے ، تو اس کے گوشت کھانے میں شرعاکوئی حرج نہیں۔ لہذااگرسائل کے ذبح کردہ بکرے میں نرومادہ دونوں کے علامت پانے جانے کی وج سے اس کی تمیزمشکل تھی یا اس میں نرومادہ کی کوئی بھی علامت نہ تھی، اور یہ سائل کی واجب قربانی تھی، تو وہ قربانی شرعادرست ادا نہ ہوئی، بلکہ سائل کے ذمہ اب ایک متوسط بکری کی قیمت صدقہ کرنا لازم ہے۔تاہم اگریہ سائل کی واجب قربانی نہیں تھی، بلکہ نفلی قربانی تھی، تو ایسی صورت میں سائل کے ذمہ کچھ بھی لازم نہ ہوگا۔
مأخَذُ الفَتوی
الدر المختار وحاشية ابن عابدين (رد المحتار) - (6 / 325)
"ولا بالخنثى لأن لحمها لاينضج شرح وهبانية، وتمامه فيه"
شفیع اللہ عُفی عنه
دار الافتاء جامعه بنوریه عالمیه
فتوی نمبر 57289کی تصدیق کریں
Related Fatawa متعلقه فتاوی
Related Topics متعلقه موضوعات
-
128مسائل قربانیRules for the Secrifice
-
23احکام ذبحRules of Slaughter
-
1شفاعتIntercession