آڈیٹر کو ادارے کے وزٹ کے وقت کھانا کھلانے کا حکم

میں گورنمنٹ ڈیپارٹمنٹ میں سینئر آڈیٹر ہوں،ہم فیلڈ میں جاکر آڈٹ کرتے ہیں،وہ لوگ ہمیں کھانا کھلاتے ہیں،اب کس نیت سے کھلاتے ہیں یہ ہمیں معلوم نہیں ،کیا وہاں کھانا کھاسکتے ہیں؟ جائز ہوگا یا نہیں؟

الجوابُ حامِدا ًو مُصلیِّا ً

سائل اور اس کی ٹیم جب آڈٹ کرنے جائے تو لوگوں سے کھانا وغیرہ میں احتیاط کرے،کیونکہ لوگ اس لئے کھلاتے ہیں کہ ان کے خلاف کوئی کام نہ ہو اور اس لئے بھی کھلاتے ہیں کہ آنے والے افسران کی گرفت سے بچاجاسکے،تاہم اگر کوئی شخص خلوصِ دل سے چائے کھانے کا انتظام کرے،اس کو آنے والے افسران سے کسی طرح کی غرض نہ ہو تو ایسی صورت میں ان کا کھانا کھانے میں حرج نہیں۔

مأخَذُ الفَتوی

کمافی الھدایۃ: ولایحضر دعوۃ إلا أن تکون عامۃ لأن الخاصۃ لأجل القضاء فیتہم بالاجابۃ بخلاف العامۃ اھ(3/136 )۔
وفی التاتارخانیۃ: وأما فی دعوۃ القاضی، قال محمد فی الاصل لابأس للقاضی أن یجیب الدعوۃ العامۃ، ولایجب الدعوۃ الخاصۃ اھ(11/74 )۔
وفی رد المحتار تحت (قوله: ويرد هدية) الأصل في ذلك وما في البخاري، عن أبي حميد الساعدي «قال استعمل النبي - صلى الله عليه وسلم - رجلا من الأزد يقال له ابن اللتبية على الصدقة فلما قدم قال: هذا لكم، وهذا لي قال - عليه الصلاة والسلام - هلا جلس في بيت أبيه أو بيت أمه فينظر أيهدى له أم لا» قال عمر بن عبد العزيز: كانت الهدية على عهد رسول الله - صلى الله عليه وسلم - هدية واليوم رشوة. ذكره البخاري (5/ 372)۔