تکافل پروگرامز میں انویسٹمنٹ کا حکم

السلام علیکم ! تکافل کے جتنے بھی پروگرامز ہیں ، کیا اس میں انویسٹمنٹ کرنا حلال ہے یا حرام ہے؟ چاہے فیملی تکافل ہو ، تعلیمی تکافل ، حج کا تکافل ہو ،اس میں بہت سے ادارے کام کرتے ہیں ، اسلامی بینکس بھی کرتے ہیں ، پاک قطر تکافل والی بھی کرتے ہیں ، کیا اس میں کام کرنا ، اس میں پیسے لگانا اور صحت کے جو پروگرامز ہیں ان میں پیسے لگانا جائز ہے یا ناجائز ہے؟

الجوابُ حامِدا ًو مُصلیِّا ً

کسی بھی کاروبار اور لین دین یا اس میں انویسمنٹ کےجواز اور درستگی کے لۓ اس کا شرعی اصولوں کے مطابق ہونا ضروری ہے، کسی ادارے کا اپنے نام کے ساتھ اسلامک کا لفظ بڑھانے یامحض نام تبدیلی کی وجہ سے اس کے کاروبار یا اس میں انویسمنٹ کے جواز کا حکم جاری نہیں کیاجاسکتا ، الا یہ کہ اس کے پورے کاروبار کا ماڈل اور طریقہ کار شرعی اصولوں کے مطابق ہوجائے، اور کاروبارکرتے وقت بھی ان شرعی ضابطوں کی پاسداری کا مکمل اہتمام کیاجائے۔
لہذا جن بینکوں اور تکافل کمپنیوں کا مکمل طریقہ کار شرعی اصولوں کے مطابق ہو اور ان کے تمام ترمعاملات مستند مفتیانِ کرام پر مشتمل شریعہ بورڈ کے زیرنگرانی انجام پاتے ہوں ، توایسے بینکوں یا تکافل کمپنیوں میں کام کرنا یا انویسمنٹ کرکے نفع حاصل کرنا شرعاًجائز اور درست ہوگا ، ورنہ نہیں۔