"ٹورن کرپٹو کرنسی" کا شرعی حکم

ایک آن لائن بزنس ہے فارسیج کے نام سے، فارسیج ایک ڈیسینٹالائز سسٹم ہے ،جو کرپٹو کرنسی پے کام کرتا ہے، اس کرپٹو کرنسی کا نام ہے ، ٹر ان فارسیج ، اس میں شامل ہونے کیلئے ہمیں ٹران کی انویسمنٹ کرنی پڑتی ہیں، ٹران میں کوئی پراڈکٹ نہیں خریدی جاتی ، اس میں لیولز اکٹیویٹ کرنے ہوتے ہیں، فار سیج اس لئے بنایا گیا ہے کہ زیادہ سے زیادہ ٹرانزیکشن ہوں، فار سیج میں کمائی ہمیں نیٹ ورک مارکیٹنگ اور ٹیم ورک سے حاصل ہوتی ہے فار سیج والی کمائی حلال ہے یا حرام ؟

الجوابُ حامِدا ًو مُصلیِّا ً

سائل نے مذکور کاروبار کی پوری تفصیل ذکر نہیں کی، تاکہ اس کے مطابق جواب دیا جاتا، تاہم اگر اس کا طریقہ کار بھی وہی ہو، جو دیگر کرپٹو کرنسی کے کاروبار کا ہے، تو اس کا حکم یہ ہے کہ ( کر پٹو )کرنسی کا کوئی حسی وجود نہیں، بلکہ محض ڈیوائس میں موجود گی اور ضمان کی حد تک اس کو کرنسی خیال کیا جاتا ہے ، جبکہ ملکی قانون میں اس کو مبادلہ اور خرید و فروخت کیلئے استعمال کرنے کی اجازت نہیں دی گئی ، نیز بٹ کوائن اور کرپٹو کرنسی میں سرمایہ کاری کے نام پر دھوکہ دہی عام ہے ، لہذا مذکور کرنسیوں میں سرمایہ کاری کرنے سے احتراز لازم ہے۔ واللہ اعلم بالصواب!