سنی نام رکھنے کا حکم

مفتی صاحب !کیا محمد سنی نام رکھنا جائز ہے ؟
دوسری بات: امتحان اور مطالعہ میں دل لگی کے لیے وظیفہ بتائیں۔

الجوابُ حامِدا ًو مُصلیِّا ً

سنی کے معنی بلند اور عالی مرتبہ کے آتے ہیں(مصباح اللغات ) اس لئے محمد سنی نام رکھنا درست ہے، تاہم اس کی بجائے اگر انبیاء کرام اور صحابہ رضوان اللہ علیہم اجمعین کے نام میں سے کوئی نام منتخب کیا جائے تو زیادہ با برکت اور باعث خیر ہو گا۔
جبکہ امتحان میں کامیابی کے لیے بڑا وظیفہ محنت اور کوشش ہے بغیر محنت کے کامیابی ممکن نہیں، اسی طرح اس میں ماحول کا خاص دخل ہے ، اچھے تعلیمی ماحول میں آدمی رہے تو تعلیم کا شوق بڑھتا ہے لہذا سائل کو چاہیے کہ ان عوامل کو بھی نظر انداز نہ کرے اس کے ساتھ ساتھ امتحان ہال میں جانے سے پہلے یہ آیت فَإِنَّ حَسْبَكَ اللَّهُ هُوَ الَّذِي أَيَّدَكَ بِنَصْرِهِ وَبِالْمُؤْمِنِينَ (سورۃ الانفال:٦٢) سات دفعہ پڑھیں۔ جبکہ مطالعہ میں دل لگنے کے لیے إِذْ تَسْتَغِيثُونَ رَبَّكُمْ فَاسْتَجَابَ لَكُمْ أَنِّي مُمِدُّكُمْ بِأَلْفٍ مِنَ الْمَلَائِكَةِ مُرْدِقِينَ (سورۃ الانفال:۹) چوده مرتبہ مذکور آیت گیارہ دن تک پڑھیں ان شاء اللہ فائدہ ہو گا۔ (مستند مجموعہ وظائف) واللہ اعلم بالصواب