نام کا شخصیت پر کیا اثر ہوتا ہے؟ اور ’’حاشر‘‘ نام کا مطلب

مجھے جاننا ہے کہ نام کا شخصیت پر کیا اثر ہوتاہے؟ میرے بیٹے کا نام ’’حاشر‘‘ ہے، ایک تو براہِ مہربانی مجھے اس کا مطلب بتادیں۔ اور لوگ کہتے ہیں کہ جس نام میں ’’ش‘‘ اور ’’را‘‘ ساتھ ہو وہ بچہ بہت شرارتی ہوتاہے، کیا یہ صحیح ہے؟

الجوابُ حامِدا ًو مُصلیِّا ً

واضح ہو کہ ’’حاشر‘‘ بمعنی جمع کرنے والا، اچھا نام ہے اور آپ علیہ السلام کے صفاتی ناموں سے بھی ہے، اس لیے سائل اپنے بچے کا یہی نام برقرار رکھ سکتاہے، اس میں کوئی قباحت نہیں، اس کے بعد واضح ہوکہ کسی نام کے اچھا یا برا ہونے سے اس مسمیّٰ پر بھی اثر ضرور ہوتاہے، مگر یہ بات درست نہیں کہ ’’ش‘‘ اور ’’ر‘‘ کسی نام میں اکٹھے ہوجائیں تو وہ درست نہیں ہوتا، بلکہ اس معنیٰ کا زیادہ دخل ہوتاہے اس لیے احادیث مبارکہ میں اچھے معنیٰ والے نام رکھنے کی ترغیب دی گئی ہے۔

مأخَذُ الفَتوی

ففي مشکاة المصابیح: عن أبي الدرداء قال: قال رسول الله ۔ صلى الله عليه وسلم۔ : «تدعون يوم القيامة بأسمائكم وأسماء آبائكم فأحسنوا أسمائكم» رواه أحمد وأبو داود اھ (ص:۴۰۸) واللہ أعلم بالصواب!