ہو میو پیتھک کی ادویات میں الکحل شامل ہوتا ہے تو ان کے استعمال کا شرعی حکم کیا ہے؟

میرے شوہر نے ایک جریدے میں پڑھا تھا کہ ہو میو پیتھک کی ادویات میں الکحل شامل ہوتا ہے، ہو میو پیتھک کی ادویات استعمال کی جا سکتی ہے؟

الجوابُ حامِدا ًو مُصلیِّا ً

واضح ہو کہ آج کل دواؤں میں جو ’’الکحل‘‘ ملائی جاتی ہے وہ عموماً انگور اور کھجور کے علاوہ دیگر اشیاء مثلاً گندم ، جو، گندھک، چنبیلی اور دیگر پھولوں اور سبزیوں سے کشیدہ ہوتی ہے اور ایسی ’’ الکحل ‘‘ کا استعمال مختلف فیہ ہے اس لئے اس قسم کی دوائیں چاہے ہو میو پیتھک کی ہویا ایلوپیتھک کی، ان کا استعمال مطلقاً ناجائز و حرام نہیں، بلکہ ان کے استعمال کی گنجائش ہے اگرچہ ایسی دواؤں کے استعمال سے احتراز بہتر ہے ۔

مأخَذُ الفَتوی

ففي تكملة فتح الملهم : وبهذا يتبين حكم الكحول السكرة التي عمت بها البلوى اليوم فإنها تستعمل في كثير من الأدوية والعطور والمركبات الأخرى فإنها إن اتخذت من العنب أو التمر فلا سبيل إلى حلتها أو طهارتها، وإن اتخذت من غيرها فالأمر فيها سهل على مذهب الحنفية رحمه الله تعالى اھ (۳/ ۶۰۸)