نزلے کے اخراج کے لیے شراب استعمال کرنے کا حکم

مجھے تین ماہ سے نزلے کی سخت تکلیف ہے، جس کی وجہ سے سانس لینا دشوار ہے ، اس کے علاوہ گھبراہٹ اور بی پی لو جیسے تکالیف کا سامنا کرنا پڑتا ہے، کافی علاج بھی کروایا مگر کوئی خاص فرق نہیں پڑتا، مجھے کسی نے بتایا ہے کہ نزلے کے اخراج کے لیے " برانڈی" جو کہ شراب کی ایک قسم ہے، نصف چمچ صبح شام پانی کے ساتھ استعمال کریں، براہ مہربانی آپ مجھے بتائیں کہ یہ حلال ہے ؟

الجوابُ حامِدا ًو مُصلیِّا ً

سائل کی مذکوربیماری کے لیے اگر کوئی دوسری دوا کار آمد نہ ہو، اور کوئی ماہر معالج بھی اس کے استعمال کا مشورہ دے رہا ہو ،تو سائل کے لیے بطور دواء اسے اتنی مقدار میں استعمال کرناجائز ہے، جس سے نشہ نہ ہو،ورنہ جب تک دیگر دواؤں سے علاج ممکن ہو، اس شراب کا استعمال جائز نہیں۔

مأخَذُ الفَتوی

کمافی الدرالمختار: وكذا كل تداو لا يجوز إلا بطاهر وجوزه في النهاية بمحرم إذا أخبره طبيب مسلم أن فيه شفاء ولم يجد مباحا يقوم مقامه. الخ (6/389)۔