کیا فرماتے ہیں علماء کرام اور مفتیان عظام اس مسئلے کے بارے میں کہ جیسا آپ سب کو معلوم ہے کہ اس مرتبہ سرحد میں عید کا اختلاف ہو گیا، مسئلہ ہمارے گاؤں کا ہے کہ انہوں نے روزہ حکومت کے ساتھ رکھا اور عید میں حکومت کا ساتھ نہیں دیا۔
تو ہمارے گاؤں والوں نے حکومت کے ساتھ روزہ رکھا اور اسی حکومت کی تاریخ میں اعتکاف پر بھی بیٹھ گئے لیکن عید ہم لوگوں نے اٹھائیس (۲۸) رمضان پر کیا۔ تو ہمارے اعتکاف کے کل آٹھ دن ہو گئے اور ہمارے علاقے کے علماء کہتے ہیں کہ ہم نے حکومت کے ساتھ روزہ رکھنا تھا اور حکومت والوں نے ایک روزہ تھوڑا تھا ،اس وجہ سے اٹھائیس روزے بن گئے۔
تو مسئلہ ہمارے اعتکاف کا ہے، کہ آیا یہ اعتکاف نفلی ہو گیا ۔ یا اس کا اعادہ واجب ہے کیونکہ اگر حکومت کا روزہ صحیح دن پے ہیں تو نفلی نہ ہو گیا۔ بلکہ اعادہ واجب ہوگا۔ کیونکہ ہم لوگوں نے اٹھائیس دن پر اُٹھے۔ اگر ہماری بات درست ہے تو یہ اعتکاف نفل ہے، کیونکہ ہمیں ۲۱ دن رمضان پر بیٹھے ہیں، تو ہمارا اعتکاف نفلی ہو گیا، لہٰذا آپ صاحبان سے درخواست کی جاتی ہے کہ حدیث اور قرآن مجید کی روشنی میں ہماری راہ نمائی فرمائیں۔
واضح ہو کہ جب حکومت کی طرف سے اعلان اصل وقت کے مطابق تھا اور اسی کے موافق روزہ رکھ کر اعتکاف بھی کیا گیا تو اس سے یہ اعتکاف مسنون ہی ہوا ہے اور اب پورے دس ایام کی قضاء بھی لازم نہیں، بلکہ صرف ایک دن کی قضاء روزہ رکھ کر مسجد میں بنیت اعتکاف بیٹھنے سے ادا ہو جائےگی۔ اور متعلقہ احباب پر بھی فقط یہی لازم ہے۔
کما فی حاشية ابن عابدين (رد المحتار): أما على قول غيره فيقضي اليوم الذي أفسده لاستقلال كل يوم بنفسه اھ (2/ 445) واللہ اعلم بالصواب