السلام علیکم ورحمۃ اللہ وبرکاتہ؛محترم مفتی صاحب ! امید ہے کہ آپ خیریت اور ایمان کی بہترین حالت میں ہوں گے، میں جنگلی حیات کے تحفظ اور شکار سے متعلق ایک اہم عصری مسئلے پر شرعی رہنمائی (فتویٰ) کا طالب ہوں،بہت سے ممالک "جن میں پاکستان بھی شامل ہے" میں حکومت نے بعض جنگلی حیات کی انواع کے شکار پر قانونی پابندی عائد کر رکھی ہے، کیونکہ ان کے معدوم ہونے اور ماحولیاتی توازن بگڑنے کا شدید خطرہ ہے، ان قوانین کے مطابق ایسے جانوروں کا شکار ایک قابلِ تعزیر جرم ہے، جس پر بھاری جرمانہ اور قید کی سزا مقرر ہے،اس تناظر اور اسلامی تعلیمات کی روشنی میں درج ذیل سوالات کے بارے میں رہنمائی کی درخواست ہے:اگر حکومت نے معدومی کے خطرے سے دوچار جنگلی حیات کے تحفظ کے لیے شکار پر قانونی پابندی عائد کی ہو، تو کیا اس پابندی کے باوجود ایسے جانوروں کا شکار کرنا شرعاً جائز (حلال) ہے؟
کیا حکومت کی جانب سے عوامی مصلحت (مصلحتِ عامہ) اور ضرر کے سدِّباب کے لیے عائد کی گئی ایک جائز قانونی پابندی کی خلاف ورزی، شکار کو گناہ (حرام) بنا دیتی ہے، اگرچہ وہ جانور فی نفسہٖ حلال ہو؟
حکومتی قانون کی خلاف ورزی کرتے ہوئے غیر قانونی طور پر شکار کیے گئے جانور کے گوشت کا شرعی حکم کیا ہے؟
کیا ایسا گوشت حلال، حرام یا مکروہ ہے؟
اگر اس میں گناہ ہے تو کیا وہ صرف قانون کی خلاف ورزی کی وجہ سے ہے یا اس کا اثر اس گوشت کے حلال ہونے پر بھی پڑتا ہے؟
اسلام معدومی کے خطرے سے دوچار انواع کے تحفظ، ان کے معدوم ہونے کی روک تھام، اور اللہ تعالیٰ کی مخلوق کے تحفظ کو کس نظر سے دیکھتا ہے، خصوصاً درج ذیل اصولوں کی روشنی میں:
* جائز اتھارٹی کی اطاعت،
* ضرر سے بچاؤ (لا ضرر ولا ضرار)،
* قدرتی وسائل کی امانت ،
اگر حکومتی پابندی ماہرین کی سائنسی تحقیق کی بنیاد پر ہو اور اس کا مقصد ناقابلِ تلافی ماحولیاتی نقصان کو روکنا ہو، تو کیا شریعت مسلمانوں پر ایسی پابندیوں کی پابندی لازم کرتی ہے؟
اس مسئلے پر آپ کی علمی رہنمائی طلبہ، پیشہ ور افراد اور عام لوگوں کے لیے اسلامی موقف کو واضح کرنے میں مددگار ہوگی، جو ماحولیاتی ذمہ داری کو اسلامی تعلیمات کے مطابق ادا کرنا چاہتے ہیں، اللہ تعالیٰ آپ کو امت کی رہنمائی کی اس خدمت کا بہترین اجر عطا فرمائے۔جزاکم اللہ خیراً۔سائل:مدثر مقبول،پاکستان۔
واضح ہو کہ اگر کسی حلال جنگلی جانور کے شکار پر حکومت نے مصلحتِ عامہ یا ماحولیاتی نقصان کے سدِّ باب کے لیے باقاعدہ قانونی پابندی عائد کی ہو، تو اس پابندی کی خلاف ورزی کرکے شکار کرنا شرعاً جائز نہیں، کیونکہ جائز امور میں حکومت کے مقرر کردہ نظم و قانون کی پابندی لازم ہے، لہٰذااس پابندی کے باوجود شکار کرنے والا قانون کی خلاف ورزی کی وجہ سے شرعاً گناہ گار ہوگا، البتہ اگر حلال جنگلی جانور کو شرعی طریقہ کے مطابق بسم اللہ پڑھ کر شکار کیا گیا ہو یا پھر شکار کے بعد شرعی طریقے سے ذبح کیا گیا ہو تو محض غیر قانونی طریقے سے شکار کیے جانے کی وجہ سے اس جانور کے گوشت کو حرام نہیں کہا جائے گا ۔
کما فی مرقاۃ المفاتیح: (والطاعة) : لمن يلي أمركم من الأمراء ما لم يأمروا بمعصية عادلا كان أو جائرا، وإلا فلا سمع ولا طاعة لمخلوق في معصية الخالق، لكن لا يجوز محاربته اھ (کتاب الایمان، باب الاعتصام بالکتاب و السنۃ، ج:رقم الحدیث:165، ج:1، ص:252، ط:دار الفکر)۔
وفی الفقہ الاسلامی و ادلتہ: حكم الصيد: الاصطياد مباح لقاصده إجماعاً (الٰی قولہ) وأجمع العلماء على إباحة الاصطياد، والأكل من الصيد ويكره الصيد لهواً، لأنه عبث اھ (القسم الاول، الباب التاسع، الفصل الثانی، المبحث الاول حکم الصید)۔
وفی الدر المختار: أمر السلطان إنما ينفذ إذا وافق الشرع وإلا فلا أشباه من القاعدة الخامسة وفوائد شتى اھ۔
وفی الشامیۃ: (قوله: أمر السلطان إنما ينفذ) أي يتبع ولا تجوز مخالفته وسيأتي قبيل الشهادات عند قوله أمرك قاض بقطع أو رجم إلخ التعليل بوجوب طاعة ولي الأمر وفي ط عن الحموي أن صاحب البحر ذكر ناقلا عن أئمتنا أن طاعة الإمام في غير معصية واجبة فلو أمر بصوم وجب اهـ وقدمنا أن السلطان لو حكم بين الخصمين ينفذ في الأصح وبه يفتى (مطلب طاعۃ الامام واجبۃ، ج:5، ص:422، ط:سعید)۔
وفیھا ایضاً: (قوله مما يورث السرور) وقيل: الغفلة واللهو، لحديث «من اتبع الصيد فقد غفل» وفي السعدية ولأن الصيد من الأطعمة، ومناسبتها للأشربة غير خفية، وكل منها فيه ما هو حلال وحرام اھ۔
وفیھا ایضاً: إن كل نوع منها تارة يتخذه الإنسان حرفة ومعاشا وتارة يفعله وقت الحاجة في بعض الأحيان، وحيث كان الاصطياد نوعا منها دل على إباحة اتخاذه حرفة ولا سيما مع إطلاق الأدلة، وعبارات المتون: والكراهة لا بد لها من دليل خاص، وما قيل إن فيه إزهاق الروح وهو يورث قسوة القلب لا يدل على الكراهة، بل غايته أن غيره كالتجارة والحراثة أفضل منه، وفي التتارخانية قال أبو يوسف: إذا طلب الصيد لهوا ولعبا فلا خير فيه وأكرهه، وإن طلب منه ما يحتاج إليه من بيع أو إدام أو حاجة أخرى فلا بأس به اهـ (کتاب الصید، ج:6، ص:461، 462، ط:سعید)۔