لائن کے پائپ میں گندے نالے کے پانی کا آجانا

‎‫حیدر آباد کے ایک گھر میں واٹر بورڈ والی لائن سے کبھی بہت ہی کم تھوڑا کالا پانی بھی آتا ہے ، جو تھوڑی دیر بعد چلا جاتا ہے ، پھر صاف پانی بھر لیا جاتا ہے ، لیکن کئی دفعہ وہ‬‎ ‎‫صاف پانی بھی جس کی رنگت اور ذائقہ صحیح ہوتا ہے، لیکن بدبو والا ہوتا ہے بھراجاتا ہے، غالباً لائن کہیں سے ٹوٹی ہوئی ہے، جسکی وجہ سے (نالے کے پانی کے اثر کر جانے سے) یہ‬‎‬‬‬‬‬‬‬‬ ہوتا ہے، سوال یہ ہے کہ اس دوسرے پانی سے کیے گئے وضو اور غسل میں کیا مضائقہ ہے؟ اور جو نمازیں ان سے پڑھ چکے ان کا کیا کیا جائے؟ اگر کسی طرح ( مثلاً اختلافِ صاحبین یا‬‎ ‎‫کسی اور طرح) مقیم کیلئے گنجائش نکل سکے تو بہت بہتر ہے، کیوں حرج بہت زیادہ ہے اور مسافر تو قلیل عرصے کیلئے جاتا ہے، تو وہ اس سے نماز وغیرہ نہ پڑ ھے گا؟‬‎‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬

الجوابُ حامِدا ًو مُصلیِّا ً

پائپ لائن میں آنے والے پانی میں اگر ناپاکی گرنے کا یقین نہ ہو تو ابتداء میں آنے والے پانی کے چلے جانے کے بعد جو صاف پانی آتا ہے ، وہ پاک شمار ہوگا اور جب تک اس میں ناپاکی کا اثر(رنگ ، بو ، ذائقہ) ظاہر نہ ہو ، تو اس سے وضو اور غسل کرنا درست ہوگا۔

مأخَذُ الفَتوی

كما فی الدر المختار : (و) يجوز (بجار وقعت فيه نجاسة و الجارى (الیٰ قوله) ان لم ير)‬‎‬‬‬‬‬ أي يعلم (أثره) (الیٰ قوله) (و هو) إما (طعم أو لون أو ریح) الخ
و فی رد المحتار : تحت (قوله و الثاني أشهر(الیٰ قوله) و العرف الآن أنه متى كان الماء‬‎ ‎‫داخلا من جانب و خارجا من جانب آخر يسمى جاريا و إن قل الداخل) اھ (1/187)۔ ‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬
‎‫و فی بدائع الصنائع : فإن وقع فی الماء ، فإن كان جاريا فإن كان النجس غير مرئي كالبول و الخمر‬‎‬‬‬‬ و نحوهما لا ينجس ما لم يتغير لونه أو طعمه أو ریحه و إذا ألقي في الماء شي نجس كالجيفة و‎ ‎‫الخمر لا يتنجس ما لم يتغير لونه أو طعمه أو ریحه كذا في منية المصلی اھ(1/17)۔‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬
وفی الفتاوی الھندية : و إذا ألقی فی الماء شي نجس كالجيفة و الخمر لا يتنجس ما لم يتغير لونه أو‬‎‬‬‬‬ طعمه أو ريحه كذا فی منية المصلی اھ ‬(1/17)۔