قطروں کی بیماری کی وجہ سے انڈوئیر میں ٹشو رکھنا اور اس پر لگے خشک شدہ قطروں کے ساتھ نماز پڑھنا

میرا مسئلہ پیشاب کے بعد قطروں کا ہے ، کافی دیر انتظار کرتا ہوں پیشاب کے بعد ، مگر پھر بھی جب نماز سے فارغ ہوتا ہوں تو کچھ پیشاب کے قطرے خارج ہو چکے ہوتے ہیں ، میں کپڑوں کو پاک رکھنے کے لۓ " انڈرویئر "نماز کے اوقات میں پہنتا ہوں اور عضو کو ٹشو سے لپیٹے رکھتا ہوں اور ہر نماز کے بعد ٹشو تبدیل کر کے وضو کرتا ہوں ، سوال یہ ہے کہ کیا ٹشو تبدیل کرنے کے بعد استنجاء کی ضرورت ہوگی یا نہیں؟ کیونکہ ہر جگہ استنجاء کی جگہ نہیں ہوتی ، اور زیادہ تر جماعت کی نماز رہ جاتی ہے ، قطرے ٹشو پر خشک ہوجائیں اور میں اسی کے ساتھ دوسری نماز کے لۓ وضو بنا سکتا ہوں ، کیونکہ مجھے کسی نے بتایا کہ استنجاء کے لۓ پانی کا استعمال ضروری نہیں؟

الجوابُ حامِدا ًو مُصلیِّا ً

ٹشو پر پیشاب کے قطرے لگنے سے گیلا ہو کر قدرِ درہم سے زائد حصہ عضو کا تر کر دے ، تو ایسی صورت میں سائل کے لۓ اس حصے کو دھوئے بغیر نماز پڑھنا درست نہ ہوگا ، تاہم قدرِ درہم سے کم اور معمولی قطرے لگے ہوں اور وہ خشک ہونے کی وجہ سے معلوم بھی نہ ہوتے ہوں ، تو اس طرح معمولی قطروں کے لگنے کے باوجودبھی نماز ادا کرنا درست ہوگا۔

مأخَذُ الفَتوی

فی الفتاوى الهندية : النجاسة إن كانت غليظة و هي أكثر من قدر الدرهم فغسلها فريضة و الصلاة بها باطلة و إن كانت مقدار درهم فغسلها واجب و الصلاة معها جائزة و إن كانت أقل من الدرهم فغسلها سنة و إن كانت خفيفة فإنها لا تمنع جواز الصلاة حتى تفحش . كذا في المضمرات اھ (1/ 58)۔
و فی الفتاوى الهندية : فإذا أصاب الثوب أكثر من قدر الدرهم يمنع جواز الصلاة . كذا في المحيط اھ (1/ 46)۔
و فی حاشية ابن عابدين : (قوله: و عفا الشارع) (إلی قوله) قال في شرح المنية : و لنا أن القليل عفو إجماعا ، إذ الاستنجاء بالحجر كاف بالإجماع و هو لا يستأصل النجاسة ، (إلی قوله) عن عمر أنه سئل عن القليل من النجاسة في الثوب فقال : إذا كان مثل ظفري هذا لا يمنع جواز الصلاة اھ (1/ 316)۔