ٹی وی پر براہِ راست روضہ مبارک دیکھتے ہوئے سلام پیش کرنا

کیا مسجد نبوی کو جب ٹی وی پر براہِ راست دکھا رہے ہوں اور نبی کریمﷺ کا روضہ مبارک آئے تو ٹی وی پر دیکھتے ہوئے سلام پیش کر سکتے ہیں؟ حضرت ابوبکرؓ اور حضرت عمرؓ کی قبر پر بھی سلام پیش کر سکتے ہیں؟

الجوابُ حامِدا ًو مُصلیِّا ً

ٹی وی میں روضہ مبارک کو دیکھ کر سلام پیش کرنا اگرچہ جائز اور درست ہے اور فرشتوں کے ذریعے وہ روضہ پر پہنچ جائےگا،مگر بعد مسافت کی وجہ سے اس کو وہ حکم نہیں دیا جا سکتا جو براہِ راست روضہ پر کھڑے ہو کر سلام بھیجنے کا ہے۔

مأخَذُ الفَتوی

ففی مشكاة المصابيح: وعن ابن مسعود قال: قال رسول الله صلى الله عليه وسلم: «إن لله ملائكة سياحين في الأرض يبلغوني من أمتي السلام» . رواه النسائي والدارمي (1/ 291)
وفیہا أیضاً: وعن أبي هريرة رضي الله عنه قال: قال رسول الله صلى الله عليه وسلم: «من صلى علي عند قبري سمعته ومن صلى علي نائيا أبلغته» . رواه البيهقي في شعب الإيمان (1/ 295)