السلام علیکم ورحمۃ اللہ وبرکاتہ! میرا مسئلہ یہ ہے کہ میں جوائنٹ فیملی میں رہتی ہوں، میری نند بینک میں جوب کرتی ہیں ، اگر وہ اپنی سیلری سےکھانے پینے کی کوئی چیز دے ، تو کیا ہمارا کھانا جائز ہے؟ جب کہ انکار کی صورت میں گھر کا ماحول خراب ہوتا ہے، دوسرا یہ ہے کہ کیا گھر کے استعمال کی چیزوں میں ان کی کمائی کا شامل کریں، تو کس حد تک جائز ہے؟
سائلہ نے یہ نہیں لکھا کہ اس کی نند بینک میں کونسے اور کس عہدے پر کام کرتی ہے؟ تاہم اگر اس کی ملازمت کا تعلق براہ راست سودی لین دین سے نہ ہو ، تو اس کی تنخواہ لیکر استعمال کرنے کی گنجائش ہے، ورنہ جو بھی تفصیل ہو لکھ کر دوبارہ حکم شرعی معلوم کیا جاسکتا ہے۔
کمافی خلاصة الفتاوی: رجل اھدی الی انسان او اضافہ ان غالب مال لمھدی حراما لاینبغی ان یقبل ولا یأکل من طعامہ ھتی یخبرہ ان ذالک المال حلال ورثہ أو استقرضہ ، و لو کان غالب مالہ حلال لاباس بہ مالم یبین انہ حرام الخ (4۔348)۔
میزان بینک میں ملازمت اور کوئی دوسری ملازمت مل رہی ہو تو کونسی اختیار کی جائے ؟
یونیکوڈ بینک کی ملازمت 0