کیا ہمیں قربانی سے پہلے روزہ رکھنا چاہیے ؟ اور کتنی دیر تک؟
عیدین والے دن اور عیدالاضحیٰ کے تین دن بعد کا روزہ رکھنا شرعاً منع ہے۔ اس لیے ان ایام کے روزہ رکھنے سے احتراز لازم ہے۔ البتہ عید والے دن بہتر یہ ہے کہ دیگر اشیاء کھانے سے پہلے اپنی قربانی کے گوشت سے کھائے ۔ اتنے وقت کے لیے رُکنے پر شرعاً روزہ کا اطلاق نہیں کر سکتے ۔ کیونکہ روزہ صبح سے شام تک کے لیے کھانے پینے اور جماع سے رکنے کا نام ہے۔
ففی مشكاة المصابيح: وعن بريدة قال: كان النبي صلى الله عليه وسلم لا يخرج يوم الفطر حتى يطعم ولا يطعم يوم الأضحى حتى يصلي. رواه الترمذي وابن ماجه والدارمي اھ (1/ 452)
و فيها أیضا: وعن أبي سعيد الخدري قال: قال رسول الله صلى الله عليه وسلم: " لا صوم في يومين: الفطر والضحى " (1/ 635)
و فيها أیضا: وعن نبيشة الهذلي قال: قال رسول الله صلى الله عليه وسلم: «أيام التشريق أيام أكل وشرب وذكر الله» . رواه مسلم (1/ 635)