احکام وراثت

تقسیم ترکہ کے بعد کسی فریق کا دوبارہ تقسیم کا مطالبہ کرنا

فتوی نمبر :
98880
| تاریخ :
2026-08-29
معاملات / ترکات / احکام وراثت

تقسیم ترکہ کے بعد کسی فریق کا دوبارہ تقسیم کا مطالبہ کرنا

کیا فر ماتے ہیں علماء کرام و مفتیان عظام اس مسئلہ کے بارے میں کہ ایک اندازے کے مطابق 70 سال پہلے ہمارے آباؤ اجداد نے اپنی خاندانی جائیداد آپس کی رضامندی سے آپس میں تقسیم کی ، خاندانی تقسیم کے بعد ہر فریق اپنے حصے پر قابض ہے، ہر فریق کے رقبے (حصے) میں دونوں فریقین کے نام موجود ہیں، ایک فریق دوسرے فریق کے رقبے (حصے) میں اپنے نام کے حوالے سے اپنا حصہ طلب کرکے لینا چاہتا ہے، سوال یہ ہے کہ کیا خاندانی تقسیم ہونے کے اتنے طویل عرصے بعد ایک فریق دوسرے فریق کے رقبے (حصے) میں اپنے نام کے حوالے سے اپنا حصہ طلب کر سکتا ہے؟ جبکہ اتنا طویل عرصہ گزرنے کے بعد دوسرے فریق کے رقبے (حصے) میں اور اس کے آس پاس مین روڈ کے ساتھ ترقیاتی تبدیلیاں اور کمرشل ویلیوز (تجارتی حوالے سے اس کی اہمیت) بڑھ چکی ہیں، قرآن وسنت کی روشنی میں جواب مطلوب ہے۔

الجوابُ حامِدا ًو مُصلیِّا ً

واضح ہو کہ زمین اور دیگر جائیدادوں کا سرکاری کاغذات میں نام ہونا اس کی ملکیت ثابت ہونے کیلئے شرعاً ضروری نہیں بلکہ ملکیت کے شرعی اسباب خریداری ، وراثت وغیرہ کے ثبوت کے بعد جب کسی فرد کو ان کا حصہ متعین کرکے حوالہ کردیا جائے تو اس پر قبضہ کرنے کے بعد اس کی ملکیت ثابت ہوجاتی ہے اور شرعاً بھی وہ شخص اس حصہ کا مالک بن جاتا ہے ، لہذا صورت مسئولہ میں جب فریقین کے آباؤ اجداد نے باہمی رضامندی سے اپنی خاندانی جائیداد تقسیم کر کے ہر فریق نے اپنے اپنے حصہ کو قبضہ میں لے لیا تھا ، تو وہ تقسیم شرعاً معتبر اور درست ہوچکی ہے، اور ہر فریق اپنے اپنے حصہ کا مالک بن چکا تھا ، محض کاغذات میں نام مشترکہ رہنے کی وجہ سے اس تقسیم کی صحت متاثر نہ ہوگی، اب کسی فریق کا اس بناء پر دوسرے فریق کے ملکیت میں حصہ داری کا دعوی کرنا کہ یہ جائیداد اب بھی سرکاری کاغذات میں مشترکہ ملکیت ہے شرعاً جائز نہیں ، اس لئے ان پر لازم ہے کہ اپنے اس غیر شرعی مطالبہ سے باز آکر جلد از جلد قانونی دستاویزات میں دوسرے فریق کا حصہ ان کے نام منتقل کر دیں تاکہ مؤاخذہ اخروی سے سبکدوشی ہوسکے۔

مأخَذُ الفَتوی

كما في البدائع: ومنها اللزوم بعد تمامها في النوعين جميعا، حتى لا يحتمل الرجوع عنها إذا تمت. وأما قبل التمام فكذلك في أحد نوعي القسمة، وهو قسمة القضاء دون النوع الآخر، وهو قسمة الشركاء، بيان ذلك: أن الدار إذا كانت مشتركة بين قوم فقسمها القاضي أو الشركاء بالتراضي فخرجت السهام كلها بالقرعة؛ لا يجوز لهم الرجوع، وكذا إذا خرج الكل إلا سهم واحد؛ لأن ذلك خروج السهام كلها؛ لكون ذلك السهم متعينا بمن بقي من الشركاء، وإن خرج بعض السهام دون البعض فكذلك في قسمة القضاء؛ لأنه لو رجع أحدهم لأجبره القاضي على القسمة ثانيا فلا يفيد رجوعه.(كتاب القسمة، فصل في بيان حكم القسمة، ج: ٧، ص: ٢٨، مط: سعيد)
وفي الدر المختار مع التنوير الأبصار: (وإن استحق بعض معين من نصيبه لا تفسخ القسمة اتفاقا) على الصحيح (وفي استحقاق بعض شائع في الكل تفسخ) اتفاقا(كتاب القسمة، ج: ٦، ص: ٢٦٦، مط: سعيد)
وفي الهندية: وأما حكمها فتعيين نصيب كل واحد منهم من نصيب صاحبه بحيث لا يبقى لكل واحد منهم تعلق بنصيب صاحبه كذا في التبيين.(كتاب القسمة، الباب الأول في تفسير القسمة، ج: ٥، ص: ٢٠٤، ط: ماجدية)
وفي الشامية: وقوله: بخلاف جعلته باسمك) قال في البحر: قيد بقوله: لك؛ لأنه لو قال: جعلته باسمك، لا يكون هبة؛ ولهذا قال في الخلاصة: لو غرس لابنه كرما إن قال: جعلته لابني، يكون هبة، وإن قال: باسم ابني، لا يكون هبة، ولو قال: أغرس باسم ابني، فالأمر متردد، وهو إلى الصحة أقرب اهـ. وفي المتن من الخانية بعد هذا قال: جعلته لابني فلان، يكون هبة؛ لأن الجعل عبارة عن التمليك، وإن قال: أغرس باسم ابني، لا يكون هبة،اھ(كتاب الهبة، ج: ٥، ص: ٦٨٩، مط: سعيد)

واللہ تعالی اعلم بالصواب
اظہر امین عُفی عنه
دار الافتاء جامعه بنوریه عالمیه
فتوی نمبر 98880کی تصدیق کریں
0     93
Related Fatawa متعلقه فتاوی
  • وراثت کی تقسیم کا شرعی طریقہ کار

    یونیکوڈ   اسکین   احکام وراثت 6
  • باپ کی جائیداد میں اولاد کا حصہ

    یونیکوڈ   اسکین   احکام وراثت 4
  • کسی وارث کا اپنا حصہ میراث معاف کرنے کا طریقہ

    یونیکوڈ   اسکین   احکام وراثت 3
  • بھائیوں کا مرحوم والد کے ترکہ میں سے بہن کو حصہ نہ دینا

    یونیکوڈ   اسکین   احکام وراثت 1
  • وفات کے بعد ملنے والی پینشن اورگریجویٹی کاحکم

    یونیکوڈ   اسکین   احکام وراثت 0
  • ورثے میں انشورنس کمپنی سے پیسے ملیں تو ان کا کیا حکم ہے؟

    یونیکوڈ   اسکین   احکام وراثت 0
  • والد کی زندگی میں وفات پانے والے بیٹے کی بیوہ اور اولاد کا وراثت میں حصہ

    یونیکوڈ   احکام وراثت 3
  • یتیم پوتوں کو دادا کی جائیدا میں حصہ کیوں نہیں ملتا؟

    یونیکوڈ   احکام وراثت 0
  • وراثت کی تقیسم میں بلا وجہ تاخیر کرنا

    یونیکوڈ   احکام وراثت 4
  • بیٹوں کو ہبہ کردہ حصے میں بیٹیوں کا بعد از وفات حصہ مانگنا

    یونیکوڈ   احکام وراثت 1
  • والد کی زندگی میں وفات پانے والے بیٹے کی بیوہ اور اولاد کا وراثت میں حصہ

    یونیکوڈ   احکام وراثت 0
  • نافرمان بیٹے کو جائیداد سے محروم کرنا

    یونیکوڈ   احکام وراثت 1
  • بیٹوں کے نام کی گئی زمین میں بیٹیوں کا حصہ ہوگا؟

    یونیکوڈ   احکام وراثت 2
  • باپ سے الگ رہنے اور گھر کے اخراجات میں شریک نہ ہونے والے بیٹے کا ترکہ میں سے مطالبہ کرنا

    یونیکوڈ   احکام وراثت 1
  • بیوہ ،سات بیٹوں اور تین بیٹیوں میں ترکے کی تقسیم

    یونیکوڈ   احکام وراثت 0
  • بہنوں کا میراث میں حصہ اور اپنا حصہ معاف کرنے کا حکم

    یونیکوڈ   احکام وراثت 0
  • ترکے کے مکان سے کرایہ کی مد میں حاصل شدہ رقم میں بیٹیوں کا حصہ ہوگا؟

    یونیکوڈ   احکام وراثت 0
  • بیٹے کی ذاتی کمائی میں وراثت کا حکم

    یونیکوڈ   احکام وراثت 1
  • بڑے بیٹے کی کمائی میں , باپ کے انتقال کے بعد وراثت کا حکم

    یونیکوڈ   احکام وراثت 2
  • ترکہ کی تقسیم(ورثاء=بیوہ,والد,والدہ,ایک بیٹا ایک بیٹی)

    یونیکوڈ   احکام وراثت 0
  • ترکہ کی تقسیم(ورثاء = 3 بیٹے 1 بیٹی 1 بہو 1 پوتا)

    یونیکوڈ   احکام وراثت 0
  • ترکہ کی تقسیم(ورثاء = ایک بیوہ ,دو بیٹے, ایک بیٹی, پانچ بھائی, پانچ بہنیں)

    یونیکوڈ   احکام وراثت 0
  • ترکہ کی تقسیم(مرحومہ کے بالواسطہ و بلا واسطہ ورثاء =1 حقیقی بیٹا 1 سوتیلا بیٹا 2 حقیقی بیٹیاں 2 دو سوتیلی بیٹیاں)

    یونیکوڈ   احکام وراثت 0
  • بھائی کی موجودگی میں مرحومہ بہن کے ترکے میں بہن حصہ دار ہوگی یا نہیں ؟

    یونیکوڈ   احکام وراثت 0
  • کسی نے حصۂ میراث اپنی زندگی میں طلب نہ کیا ہو تو اس کے ورثاء کا اس کے حصے کا مطالبہ کرنا

    یونیکوڈ   احکام وراثت 2
Related Topics متعلقه موضوعات