عید میلاد النبی منا نے کا حکم

مہربا نی کر کے قرآن وسنت کی روشنی میں عید میلاد النبی کا ثبوت پیش کریں ؟

الجوابُ حامِدا ًو مُصلیِّا ً

حضور اقدس صلی اللہ علیہ وسلم، بعثت کے بعد تئیس(23) سال تک بقید حیات رہے ،اس کے بعد تیس (30) سال خلافت راشدہ کے گزرے ،اور اسکے بعد ایک سو دس ہجری تک صحابہ کرام رضوان اللہ تعالیٰ عنھم اجمعین کا دور اور تقریباً 220 سن ھجری کے لگ بھگ تابعین اور تبع تابعین کا دور رہا ہے جو خیر القرون کا دور کہلاتا ہے ،لیکن اس دور میں حضور صلی اللہ علیہ وسلم کی کامل عشق و محبت کے باوجود دور تک بھی کوئی مثال نہیں ملتی اور نہ ہی کوئی یہ ثابت کر کے دکھا سکتا ہے ، بلکہ یہ بدعت 604ہجری میں ایک بادشاہ مظفر الدین کوکری بن اربل،کے حکم سے ایجاد ہوئی ، چنانچہ امام اہلسنت مولانا سرفراز صفدر خان صاحب رحمہ اللہ نے اپنی کتاب راہ سنت میں امام احمد بن محمد مصری مالکی کے حوالہ سے لکھا ہے۔
كان ملکا مسرفا یا مرعلماء زمانه ان يعملوا باستنباطه و اجتهادهم وان لا یتبعو المذهب غيرهم حتى مالت إليه جماعة العلماء وطائفة من الفضلاء ويحتفل لمولد النبي صلى الله عليه وسلم في الربيع الاول وهو اول من احدث من المملوك هذا العمل (القول المعتمد في عمل المولد ) اھ (162)