چہلم کا حکم

اسلام میں چہلم کے بارے میں کیا حکم ہے؟
میلاد میں جو سلام پڑھا جاتاہے، اس میں لوگ کہتے ہیں کہ سلام پیش کیا جاتاہے تو ہمارے پیارے نبیﷺ تشریف لاتے ہیں، اس بارے میں آپ کی کیا رائے ہے؟

الجوابُ حامِدا ًو مُصلیِّا ً

واضح رہے کہ تیجا، ساتواں، دسواں اور چالیسواں وغیرہ محض بدعات ورسومات ہیں قرآن وسنت اور خیر القرون سے ان کا کوئی ثبوت نہیں لہٰذا ن سے احتراز لازم ہے۔
دنیا سے پردہ فرمانے کے بعد آپﷺ کا کسی مجلس میں آنا ثابت نہیں اس لئے یہ کہنا کہ میلاد میں سلام پیش کرتے وقت آپﷺ تشریف لاتے ہیں اور اس کا عقیدہ رکھنا درست نہیں بلکہ گمراہی ہے جس سے اجتناب لازم ہے۔

مأخَذُ الفَتوی

کما فی رد المحتار : یکره اتخاذ الضیافة من الطعام من أهل المیت؛ لأنه شرع في السرور لا في الشرور وهي بدعة مستقبحة، وقوله: ویکره اتخاذ الطعام في الیوم الأول والثالث وبعد الأسبوع، ونقل الطعام إلی القبرفي المواسم، واتخاذ الدعوة لقراءة القرآن وجمع الصلحاء والقرّآء للختم أو لقراء ة سورة الإنعام أوالإخلاص(الی قولہ) وهذه الافعال کلها للسمعة والریاء فیحترز عنها. (ص ۲۴۰) -