احکام وراثت

مرحومہ کی والدہ کی نمازوں اور روزوں کا فدیہ کیسے ادا کیا جائے گا؟

فتوی نمبر :
99710
| تاریخ :
معاملات / ترکات / احکام وراثت

مرحومہ کی والدہ کی نمازوں اور روزوں کا فدیہ کیسے ادا کیا جائے گا؟

السلام علیکم ورحمۃ اللہ وبرکاتہ۔ کیا فرماتے ہیں علماء اور مفتیان کرام اس مسئلے کے بارے میں کہ میری والدہ کا انتقال ہوا تو انہوں نے میراث میں ایک مکان، اپنے ذاتی کپڑے اور کچھ نقد رقم چھوڑی، میری والدہ کے والدین اور شوہر پہلے ہی انتقال کر چکے ہیں، ان کے وارثین میں صرف ان کے تین بیٹے حیات ہیں لہذا صورت مسئولہ میں میراث کیسے تقسیم کی جائے گی؟ یعنی مکان کو کیسے تقسیم کریں اور کپڑوں کو کیسے تقسیم کریں؟ رقم تو سمجھ میں آتا ہے کہ وہ بانٹ دی جائے گی۔ اور یہ بھی وضاحت فرما دیں کہ والدہ کی نمازیں اور روزے چھوٹ گئے تھے بیماری کی وجہ سے تو اس کا فدیہ والدہ کی ترکے کی رقم میں سے کیسے ادا کیا جا سکتا ہے؟ جواب دے کر ممنون اور مشکور فرمائیں۔ جزاک اللہ خیراً کثیرا۔

الجوابُ حامِدا ًو مُصلیِّا ً

واضح ہو کہ انسان کی وفات کے ساتھ ہی،اس کی تمام مملوکہ چیزیں(چاہے وہ جائیدا د ،نقد پیسے وغیرہ ہوں،یا اس کے استعمال کے کپڑے ) اس کا ترکہ بن جاتی ہیں،جن پر اس کے تمام شرعی ورثاء اپنے شرعی حصوں کے بقدر شریک ہوتے ہیں،لہذا صورتِ مسئولہ میں سائل کی مرحومہ والدہ کے مکان ،کپڑے اور رقم پر ان کے تمام شرعی ورثاء کا حق ہے ، اب مرحومہ کے ترکہ میں جوچیزیں قابلِ تقسیم ہیں( مثلاً سونا،چاندی،نقد پیسے وغیرہ) انہیں تو ورثاء کے درمیان ان کے حصص کے اعتبار سے تقسیم کرلیا جائے،اور جو چیزیں قابلِ تقسیم نہیں ہیں یعنی تقسیم کے بعد وہ قابلِ انتفاع نہیں ہو گی جیسے کپڑے وغیرہ تواس کی تقسیم کی صورت یہ ہے کہ ان تمام اشیاء کو فروخت کردیا جائے،اور پھر اس کی قیمت ،تمام ورثاء کے درمیان شرعی اعتبار سے تقسیم کردی جائے ، یا وہ کپڑے کسی وارث کو اس کے حصہ میں دے دئیے جائیں۔
جبکہ سائل کی والدہ مرحومہ نے اگر فدیہ دینے کی وصیت نہ کی ہو، تو اس کی بیماری کی وجہ سے چھوٹی ہوئی نمازوں اور روزے کا فدیہ دینا ورثاء پر لازم نہیں ، تاہم اگر تمام ورثاء عاقل بالغ ہوں اور وہ اپنی رضامندی وخوشی سے ترکہ کی رقم سے مرحومہ کے نمازوں کا فدیہ دینا چاہتے ہوں ، تو یہ بھی شرعاً درست ہے ،نیز ہر ایک نماز اور ہر روزہ کا فدیہ کی مقدار دو کلو گندم یا اس کی مقامی قیمت کے برابر ہوگی اور ایک دن میں پانچ فرض نمازوں کے علاوہ وتر کا مستقل فدیہ ادا کرنا لازم ہوگا، اس حساب سے یومیہ چھ نمازوں کے حساب سےفدیہ کی ادائیگی لازم ہوگی۔

مأخَذُ الفَتوی

کما فی رد المحتار: وإن لم يوص لا يجب على الورثة الإطعام لأنها عبادة فلا تؤدى إلا بأمره إن فعلوا ذلك جاز ويكون له ثواب. اهـ. و لا شبهة في أن الضمير في له للميت وهذا هو الظاهر الخ ( کتاب الصوم، ج: 2، ص: 425، ط:سعید )۔
و فیہ أیضا: تحت: (قولہ يعطى) بالبناء للمجهول: أي يعطي عنه وليه: أي من له ولاية التصرف في ماله بوصاية أو وراثة فيلزمه ذلك من الثلث إن أوصى، وإلا فلا يلزم الولي ذلك لأنها عبادة فلا بد فيها من الاختيار، (الی قولہ ) ثم اعلم أنه إذا أوصى بفدية الصوم يحكم بالجواز قطعا لأنه منصوص عليه. وأما إذا لم يوص فتطوع بها الوارث فقد قال محمد في الزيادات إنه يجزيه إن شاء الله تعالى الخ ( باب قضاء الفوائت، ج: 2، ص: 72، ط: سعید )۔

واللہ تعالی اعلم بالصواب
قائرات تبیک عُفی عنه
دار الافتاء جامعه بنوریه عالمیه
فتوی نمبر 99710کی تصدیق کریں
0     97
Related Fatawa متعلقه فتاوی
  • وراثت کی تقسیم کا شرعی طریقہ کار

    یونیکوڈ   اسکین   احکام وراثت 6
  • باپ کی جائیداد میں اولاد کا حصہ

    یونیکوڈ   اسکین   احکام وراثت 4
  • کسی وارث کا اپنا حصہ میراث معاف کرنے کا طریقہ

    یونیکوڈ   اسکین   احکام وراثت 3
  • بھائیوں کا مرحوم والد کے ترکہ میں سے بہن کو حصہ نہ دینا

    یونیکوڈ   اسکین   احکام وراثت 1
  • وفات کے بعد ملنے والی پینشن اورگریجویٹی کاحکم

    یونیکوڈ   اسکین   احکام وراثت 0
  • ورثے میں انشورنس کمپنی سے پیسے ملیں تو ان کا کیا حکم ہے؟

    یونیکوڈ   اسکین   احکام وراثت 0
  • والد کی زندگی میں وفات پانے والے بیٹے کی بیوہ اور اولاد کا وراثت میں حصہ

    یونیکوڈ   احکام وراثت 3
  • یتیم پوتوں کو دادا کی جائیدا میں حصہ کیوں نہیں ملتا؟

    یونیکوڈ   احکام وراثت 0
  • وراثت کی تقیسم میں بلا وجہ تاخیر کرنا

    یونیکوڈ   احکام وراثت 4
  • بیٹوں کو ہبہ کردہ حصے میں بیٹیوں کا بعد از وفات حصہ مانگنا

    یونیکوڈ   احکام وراثت 1
  • والد کی زندگی میں وفات پانے والے بیٹے کی بیوہ اور اولاد کا وراثت میں حصہ

    یونیکوڈ   احکام وراثت 0
  • نافرمان بیٹے کو جائیداد سے محروم کرنا

    یونیکوڈ   احکام وراثت 1
  • بیٹوں کے نام کی گئی زمین میں بیٹیوں کا حصہ ہوگا؟

    یونیکوڈ   احکام وراثت 2
  • باپ سے الگ رہنے اور گھر کے اخراجات میں شریک نہ ہونے والے بیٹے کا ترکہ میں سے مطالبہ کرنا

    یونیکوڈ   احکام وراثت 1
  • بیوہ ،سات بیٹوں اور تین بیٹیوں میں ترکے کی تقسیم

    یونیکوڈ   احکام وراثت 0
  • بہنوں کا میراث میں حصہ اور اپنا حصہ معاف کرنے کا حکم

    یونیکوڈ   احکام وراثت 0
  • ترکے کے مکان سے کرایہ کی مد میں حاصل شدہ رقم میں بیٹیوں کا حصہ ہوگا؟

    یونیکوڈ   احکام وراثت 0
  • بیٹے کی ذاتی کمائی میں وراثت کا حکم

    یونیکوڈ   احکام وراثت 1
  • بڑے بیٹے کی کمائی میں , باپ کے انتقال کے بعد وراثت کا حکم

    یونیکوڈ   احکام وراثت 2
  • ترکہ کی تقسیم(ورثاء=بیوہ,والد,والدہ,ایک بیٹا ایک بیٹی)

    یونیکوڈ   احکام وراثت 0
  • ترکہ کی تقسیم(ورثاء = 3 بیٹے 1 بیٹی 1 بہو 1 پوتا)

    یونیکوڈ   احکام وراثت 0
  • ترکہ کی تقسیم(ورثاء = ایک بیوہ ,دو بیٹے, ایک بیٹی, پانچ بھائی, پانچ بہنیں)

    یونیکوڈ   احکام وراثت 0
  • ترکہ کی تقسیم(مرحومہ کے بالواسطہ و بلا واسطہ ورثاء =1 حقیقی بیٹا 1 سوتیلا بیٹا 2 حقیقی بیٹیاں 2 دو سوتیلی بیٹیاں)

    یونیکوڈ   احکام وراثت 0
  • بھائی کی موجودگی میں مرحومہ بہن کے ترکے میں بہن حصہ دار ہوگی یا نہیں ؟

    یونیکوڈ   احکام وراثت 0
  • کسی نے حصۂ میراث اپنی زندگی میں طلب نہ کیا ہو تو اس کے ورثاء کا اس کے حصے کا مطالبہ کرنا

    یونیکوڈ   احکام وراثت 2
Related Topics متعلقه موضوعات