السلام علیکم ورحمۃ اللہ وبرکاتہ!کیا فرماتے ہیں علمائے کرام اس مسئلے کے بارے میں کہ ہم چار بھائی اور چار بہنیں ہیں، ایک بہن کا انتقال والدین کی حیات میں ہو چکا ہے، اور میرے والد صاحب ریٹائرڈ ٹیچر تھے، اور ہمارا بڑا بھائی جاپان گیا جو والد صاحب کو پیسے بھیجتا تھا، ان پیسوں سے والد صاحب نے ایک رہائشی مکان بنایا، بعد میں والد صاحب نے اسی رہائشی مکان میں ایک بیٹے کے لیے حقِ مہر 10 مرلہ حصۂ رسدی (جب کہ 10 مرلہ حصہ رسدی نہیں بنتا) مہر مقرر کیا، اور دوسرے بیٹے کے لیے مکان متصلہ ڈیرہ جو مکان ہی کا حصہ ہے مہر مقرر کیا، مگر والد صاحب کی حیات میں اور وفات کے بعد ابھی تک ان میں سے کسی کو بھی اس حقِ مہر کا قبضہ نہیں دیا گیا، بلکہ اس کو سب بھائیوں نے مشترکہ طور پر مکان استعمال کیا،اس صورت میں وراثت کیسے تقسیم کی جائے گی؟ کیا مذکورہ بالا حقِ مہر جو نکاح کے وقت 10 مرلہ رسدی لکھا گیا تھا، (میراث کی تقسیم میں 10 مرلہ حصہ رسدی نہیں بنتا) اس تناسب سے دیا جائے گا، اب میراث کی تقسیم میں جو حصہ رسدی ہوگا اس حساب سے دیا جائے گا، اور یہ حقِ مہر دینے کے بعد اس بھائی کا بقیہ وراثت میں حصہ ہوگا یا نہیں؟(نوٹ ):سائل سے رابطہ کرنے پر معلوم ہوا کہ والدہ بھی وفات پا چکی ہے۔
صورت مسئولہ میں اگرسائل کے والد مرحوم نے بیٹوں کی اجازت کے بغیر از خود اپنی مرضی سے بہووں کا حق مہر اپنےذمہ لیاہو، تو ایسی صورت میں بہووں کو مرحوم کے ترکہ سے مہر کی وصولی کا حق ہے، اور اس حق مہر کی ادائیگی مرحوم کے ذمہ دین شمار کرکے تقسیم ترکہ سے قبل ہوگی، اس کے بعد مذکور ورثاء مابقیہ ترکہ میں دیگر ورثاء کے ساتھ اپنے حصہ شرعی کے بقدر مکمل حقدار ہونگے، اس حق مہر کی دائیگی کو ان کے حصہ شرعی سے منہا کرنا جائز نہ ہوگا۔
وفي الہندیۃ: ولو كان الابن كبيرا وضمن الأب عنه بغير أمره في صحته ثم مات الأب وأخذت المرأة من تركته لم ترجع ورثته بالإجماع الخ (الفصل الرابع عشر في ضمان المهر، ج: ١، ص: ٣٢٦، ط: ماجدية)
باپ سے الگ رہنے اور گھر کے اخراجات میں شریک نہ ہونے والے بیٹے کا ترکہ میں سے مطالبہ کرنا
یونیکوڈ احکام وراثت 1ترکہ کی تقسیم(مرحومہ کے بالواسطہ و بلا واسطہ ورثاء =1 حقیقی بیٹا 1 سوتیلا بیٹا 2 حقیقی بیٹیاں 2 دو سوتیلی بیٹیاں)
یونیکوڈ احکام وراثت 0کسی نے حصۂ میراث اپنی زندگی میں طلب نہ کیا ہو تو اس کے ورثاء کا اس کے حصے کا مطالبہ کرنا
یونیکوڈ احکام وراثت 2