احکام وراثت
ترکہ کی تقسیم( مرحوم کے بیٹے اور تین بیٹیاں)
فتوی نمبر : 76645
ترکہ کی تقسیم( مرحوم کے بیٹے اور تین بیٹیاں)
معاملات / ترکات / احکام وراثت
ترکہ کی تقسیم( مرحوم کے بیٹے اور تین بیٹیاں)
السلام وعلیکم ورحمۃ اللہ وبرکاتہ !
جناب حضرت مجھے جائیداد کی تقسیم کے حوالے سے فتویٰ معلوم کرنا ہے، جائیداد مالیت (100،00000) ایک کروڑ ہے وراثت میں 2 بھائی ،3 بہنیں ہیں ،براہ مہربانی تقسیم کا صحیح اور جائز طریقہ بتا دیں۔شکریہ جزاک اللہ خیراً
الجوابُ حامِدا ًو مُصلیِّا ً
سوال میں مذکور شخص مرحوم کے ورثاء میں اگر فقط دو(2) بیٹے اور تین (3) بیٹیاں موجود ہوں ان کے علاوہ اور کوئی وارث موجود نہ ہو تو مرحوم کا تر کہ اصولِ میراث مطابق ان کے موجود ورثاءمیں اس طرح تقسیم ہوگا کہ مرحوم نے بوقتِ انتقال جوکچھ منقولہ وغیرمنقولہ مال وجائیداد سونا ،چاندی ،زیورات ،نقد رقم اور ہر قسم کا چھوٹا بڑا گھریلو سازوسامان اپنی ملکیت میں چھوڑا ہے،وہ سب مرحوم کا ترکہ ہے ، جس میں سے سب سے پہلے مرحوم کے کفن دفن کے متوسط مصارف ادا کریں ، اس کے بعد دیکھیں کہ اگر مرحوم کے ذمہ کوئی قرض واجب الادا ہو تو اسے ادا کریں ، اس کے بعد دیکھیں کہ اگر مرحوم نے کوئی جائز وصیت کی ہو تو بقیہ مال کے ایک تہائی (1/3) کی حد تک اس پر عمل کرنے کے بعد جو کچھ بچ جائے اس کے کل سات(7)حصے بنائے جائیں ،جن میں سے مرحوم کے ہر بیٹے کودو (2) حصے اورہر بیٹی کو ایک (1)حصہ دیا جائے -
ظفراللہ نعمت عُفی عنه
دار الافتاء جامعه بنوریه عالمیه
فتوی نمبر 76645کی تصدیق کریں
Related Fatawa متعلقه فتاوی
Related Topics متعلقه موضوعات
-
650احکام وراثتInheritance
-
28احکام وصیتWill and Testament