احکام وراثت
ترکہ کی تقسیم( مرحوم کے دو بیٹے چار بیٹیاں)
فتوی نمبر : 72879
ترکہ کی تقسیم( مرحوم کے دو بیٹے چار بیٹیاں)
معاملات / ترکات / احکام وراثت
ترکہ کی تقسیم( مرحوم کے دو بیٹے چار بیٹیاں)
والد مرحوم کے ترکہ کا مکان ہے، جس کی مالیت پچاس لاکھ (5000000 )ہے،اور اس کے ورثاء میں دو بیٹے ،چار بیٹیاں ہیں،جبکہ والدہ اور دادا ،دادی کا انتقال والد مرحوم سے پہلے ہوا ہے۔
لہذا یہ مکان درجِ بالا ورثاء میں کس طرح تقسیم ہوگا ؟ براہِ کرم رہنمائی فرمائیں شکریہ
الجوابُ حامِدا ًو مُصلیِّا ً
سائل کےوالد مرحوم کا ترکہ اس کے موجود ورثاء میں اصولِ میراث کے مطابق اس طرح تقسیم ہوگا کہ مرحوم نے بوقتِ انتقال جو کچھ منقولہ و غیر منقولہ مال و جائیداد ، سونا ، چاندی ، زیورات ، نقد رقم اور ہر قسم کا چھوٹا بڑا گھریلوساز و سامان اپنی ملکیت میں چھوڑا ہے ، اس میں سب سے پہلے مرحوم کے کفن دفن کے متوسط مصارف ادا کریں ، اس کے بعد دیکھیں کہ اگر مرحوم کے ذمہ کچھ قرض واجب الاداء ہو تو وہ ادا کریں ، اس کے بعد دیکھیں کہ اگر مرحوم نے کوئی جائز وصیت کی ہو تو بقیہ مال کے ایک تہائی (3/1 ) حصے کی حد تک اس پر عمل کریں ، اس کے بعد جو کچھ بچ جائے اس کے کل (8) حصے بنائےجائیں،جن میں سے مرحوم کے ہر بیٹے کو دو(2) حصےاور ہر بیٹی کو ایک (1) حصہ دیا جائے -
محمد ابراہیم اسماعیل عُفی عنه
دار الافتاء جامعه بنوریه عالمیه
فتوی نمبر 72879کی تصدیق کریں
Related Fatawa متعلقه فتاوی
Related Topics متعلقه موضوعات
-
649احکام وراثتInheritance
-
28احکام وصیتWill and Testament