کیا روزے کی حالت میں ہم بستری کرتے ہوئے باہر فارغ ہونے سے کفارہ لازم ہوگا؟

السلام علیکم !میں آپ سے روزہ ٹوٹنے کے بارے میں ایک مسئلہ پوچھنا چاہتا ہوں ،میں اور میری بیوی روزہ کی حالت میں ایک دوسرے سے ملے ، اور اچانک خیال آیا کہ روزہ ہے ،تو میں نے باہرفراغت کرلی ،مجھے یہ تو علم ہے ، اندر فارغ ہونے سے روزہ ٹوٹ جاتا ہے ،لیکن یہ بتا دیں کہ باہر فارغ ہونے سے بھی ٹوٹ جاتا ہے یا نہیں؟ اور اس کا کفارہ کیا ہوگا؟اس کے علاوہ میں اتنے روزے کفارے کے طور پر نہیں رکھ سکتا، اور نہ ہی اتنے یتیموں کو کھانا کھلا سکتا ہوں، اگر روزہ واقعی ٹوٹ گیا ہے ،تو اس کے کفارے کا کوئی آسان طریقہ بتا ئیں؟

الجوابُ حامِدا ًو مُصلیِّا ً

جماع اگر قصداً کیا ہوتو سائل اور اس کی بیوی دونوں پر قضا اور کفارہ لازم ہے ،چاہے باہر فارغ ہو یا اندر،اور کفارہ یہ ہے کہ دو ماہ کے مسلسل روزے رکھے جائیں، اگر اس کی استطاعت نہ ہوتو ساٹھ مسکینوں کو صبح وشام پیٹ بھرکرکھاناکھلایاجائے ،یا فی مسکین ایک صدقہ فطر کے برابر رقم دےدی جائے،اگر یکمُشت رقم دینے یا ایک دن میں کھانا کھلانے کی قدرت نہ ہو ،تو ایک ہی مسکین کو روزانہ ساٹھ دن تک صبح وشام کھانا دیا جائے ،اور اگر قصداً جماع نہ کیا ہو، بلکہ کوئی اور صورت ہوتو اس کی تفصیل لکھ کر دوبارہ حکم شرعی معلوم کیا جا سکتا ہے ۔

مأخَذُ الفَتوی

کما في صحيح البخاري: أن أبا هريرة رضي الله عنه، قال: بينما نحن جلوس عند النبي صلى الله عليه وسلم، إذ جاءه رجل فقال: يا رسول الله هلكت. قال: «ما لك؟» قال: وقعت على امرأتي وأنا صائم، فقال رسول الله صلى الله عليه وسلم: «هل تجد رقبة تعتقها؟» قال: لا، قال: «فهل تستطيع أن تصوم شهرين متتابعين» ، قال: لا، فقال: «فهل تجد إطعام ستين مسكينا» . قال: لا، قال: فمكث النبي صلى الله عليه وسلم، فبينا نحن على ذلك أتي النبي صلى الله عليه وسلم بعرق فيها تمر - والعرق المكتل - قال: «أين السائل؟» فقال: أنا، قال: «خذها، فتصدق به» فقال الرجل: أعلى أفقر مني يا رسول الله؟ فوالله ما بين لابتيها - يريد الحرتين - أهل بيت أفقر من أهل بيتي، فضحك النبي صلى الله عليه وسلم حتى بدت أنيابه، ثم قال: «أطعمه أهلك» اھ (3/ 32)
وفي الدر المختار: (وإن جامع) المكلف آدميا مشتهى (في رمضان أداء) لما مر (أو جامع) أو توارت الحشفة (في أحد السبيلين) أنزل أو لا (إلى قوله) (فظن فطره به فأكل عمدا قضى) في الصور كلها (وكفر) اھ(2/ 409)