حضرت مفتی صاحب مدظلہ! دشمنوں سے حفاظت کیلئے کوئی مجرب عمل بتایے، نیز اکابرین بزرگانِ دین کی عملیات والی کتب سے بغیر اجازت کے استفادہ کیا جاسکتا ہے،جبکہ اجازت لینے میں دشواری ہو، یا ان کی کتب میں سے کسی پریشان حال کو وظیفہ یا عمل بتایا جا سکتا ہے؟اللہ آپ اہل ِعلم حضرات کی حفاظت فرمائے۔ والسلام!
واضح ہو کہ بزرگانِ دین کی عملیات والی کتابوں سے بغیر اجازت کے استفادہ کر کے خود یا کسی پریشان حال کو وظیفہ یا عمل بتایا جا سکتا ہے، مگر کسی عالم عامل سے اجازت لے کر وظائف پڑھنے میں فائدہ زیادہ ہے، اس لئے اس کا اہتمام بہتر ہے، جبکہ دشمنوں سے حفاظت کے لئے دعاءِ أنس مجرب اور مفید ہے۔