اہل تشیع کے کونڈوں کی نیاز کھانے کا حکم

مفتی صا حب! السلام علیکم! میرا تعلق اهل سنت والجماعت حنفی بریلوی سے ہے، میرا سوال یہ ہے کہ کیا ہم شیعہ حضرات کی کونڈوں کی نیاز کھا سکتے ہیں یا نہیں ؟اگر نہیں تو کیوں ؟ اور دوسرا سوال یہ ہے کہ کیا ہم اپنی لائف انشورنس پالیسی کروا سکتے ہیں کہ نہیں ؟ مہربانی فرما کر مجھے ان دو سوالوں کے بارے میں آگاہ کریں۔ میں بہت پریشان ہوں ۔ جزاك الله خيرا ۔ (آمین)

الجوابُ حامِدا ًو مُصلیِّا ً

۱۔ نہیں کھا سکتے اور خاص طور پر اس صورت میں جب دینے والے بھی شیعہ ہوں، تو اس کے لینے سے احتراز لازم ہے۔
۲۔ زندگی کے انشورنس کی جو صورتیں رائج ہیں وہ قمار میں داخل ہونے کی وجہ سے ناجائز اور حرام ہیں، جبکہ ان کا متبادل تکافل کمپنیوں کا طریقہ کار ہے، جو ربا، قمار اور غرر سے پاک اور امداد باہمی و تعاون کے اصول پر مبنی ہے اور اس میں وقف کا دخل ہو کر باعث اجر و ثواب کا ذریعہ بھی ہے ،اس لئے اس کمپنی کی پالیسی لینے میں شرعاً بھی کوئی حرج نہیں، بلا شبہ لے سکتے ہیں۔