آپ سے ایک مسئلہ پوچھنا تھا، روزے کے بارے میں میری عمر تقریباً 50 سال سے اوپر ہے ،اور مجھے کئی بیماریاں ہیں ،اور اس سے پہلے بھی میرے روزے فرض چھوٹ گئے ہیں، اور اب بیماری میں بھی چھوٹ رہے ہیں ،لہٰذا دین اسلام کی روشنی میں مجھے اس کا جواب ارسال کر دیجیے گا، عین نوازش ہوگی، نیز مجھے شوگر کا مرض ہے ،دوسرا مرض جگر کی خرابی کا ہے، اور خون نہیں بنتا ہے ،جسکی وجہ سے ڈاکٹر نے روزہ رکھنے سے روک دیا ہے ۔
اگر روزہ رکھنے سے واقعۃً مرض کے بڑھنے یا جان کا خطرہ ہو ،اور دیندار ماہر معالج بھی اسی بنا پر روزہ نہ رکھنے کا کہہ رہے ہوں، تو اس صورت میں روزہ نہ رکھنا جائز ہے۔
اور اگر مرتے دم تک درست ہونے کی توقع نہ ہو تو اس کا فدیہ جو فی روزہ نصف صاع یعنی پونے دوسیر گندم یا اس کی قیمت جو بنتی ہے، وہ فقراء یا مساکین کو دینا لازم ہے، اس کے باوجود بھی مرنے سے قبل اگر صحت یابی ہو جائے ،تو چھوٹے ہوئے روزوں کی قضاء لازم ہوگی ۔
قال في التاتارخانيه:والمرض الذى يبيح الفطر ما يخاف منه الموت او زيادة علة حتى لو خاف انه لو لم يفطر يزداد عينيه وجعا او حماه شدة حل له ان يفطر اھ (۲/ ۳۸۳)۔
وفي التاتارخانيه : فاما الشيخ الفاني يفطر ويفدى يطعم عن كل يوم مقدار صدقة الفطر اھ (۲/ ۳۸۷)۔
وفيه ايضاً:وذكر الكرخى انه يلزمه القضاء بقدر ما صح بالاجماع اھ (۲/ ۳۸۷) واللہ اعلم باالصواب
شدید تھکن اور چکر آنے کی وجہ سے رمضان کا روزہ توڑنے کا کفارہ ادا کرنا
یونیکوڈ روزے کی قضاء و کفارہ 0