کیا فرماتے ہیں مفتیان کرام اس مسئلہ کے بارے میں کہ ایک شخص نے حالت صوم میں بیوی سے تعلقات ازواجی قائم کر لئے، اب اس شخص پر شریعت کے اعتبار سے کفارہ کیا لازم آئے گا؟ جبکہ ایک مولوی صاحب نے بتایا کہ دو مہینے کے مسلسل روزے رکھنا پڑے گئے۔ لیکن غلبہ شہوت کی وجہ سے سائل اس طرح کفارہ ادا کرنے سے قاصر ہے اور سائل اپنے اس فعل پر انتہائی نادم ہے۔
(۱) لہٰذا مہربانی فرما کر یہ بتائیں کہ کیا قرآن و حدیث میں اس کے علاوہ اور کس طرح کفارہ ادا کرنے کی کا جواز ہے یا نہیں ؟ (۲) یہ کفارہ مرد اور عورت دونوں پر آئے گا یا صرف مرد ہے ؟ اگر عورت پر بھی ہے تو کفارہ ادا کرنے کی صورت کیا ہوگی ہے کیونکہ ماہواری کی وجہ سے تسلسل قائم نہیں رہ سکتا ؟
صورت مسئولہ میں قضاء اور کفارہ دونوں لازم ہیں اور یہ میاں بیوی دونوں پر ہیں۔ اور اس کا کفارہ یہ ہے کہ دونوں میں سے ہر ایک مسلسل دو ماہ کے روزے رکھے اور ماہواری کی وجہ سے عورت کے جتنے روزے چھوٹ گئے ہوں پاکی کے فوراً بعد اتنے ایام کے روزے رکھ کر اپنے ساٹھ دن پورے کرے، اب اگر کسی کو مسلسل اتنے روزے رکھنے کی ہمت و استطاعت نہ ہو تو وہ صبح و شام یعنی دو وقت ساٹھ مسکینوں کو پیٹ بھر کر کھانا کھلا دے تو اس کا کفارہ ادا ہو جائیگا۔
کما فی حاشية ابن عابدين (رد المحتار): (قوله: ككفارة المظاهر) مرتبط بقوله وكفر أي مثلها في الترتيب فيعتق أولا فإن لم يجد صام شهرين متتابعين فإن لم يستطع أطعم ستين مسكينا لحديث الأعرابي المعروف في الكتب الستة فلو أفطر ولو لعذر استأنف إلا لعذر الحيض اھ (2/ 412) واللہ اعلم بالصواب
شدید تھکن اور چکر آنے کی وجہ سے رمضان کا روزہ توڑنے کا کفارہ ادا کرنا
یونیکوڈ روزے کی قضاء و کفارہ 0