السلام علیکم مفتی صاحب! میرے شوہر بہت نیک اور اچھے انسان ہیں۔ ہم دونوں ایک دوسرے سے محبت بھی کرتے ہیں اور میں اپنا گھر بسانا چاہتی ہوں۔میرے شوہر مجھے مہینے کا معمولی خرچہ دیتے ہیں۔ میں اپنے ابو سے پیسے لے لیتی ہوں، کوئی مسئلہ نہیں ہے، لیکن وہ دوسرے ملک میں رہتے ہیں۔ وہ مالی اعتبار سے بھی مستحکم ہیں، لیکن مجھے اپنے ساتھ رکھنے پر تیار نہیں ہیں۔میں ڈیڑھ سال سے رو رو کر منت سماجت کر رہی ہوں۔ وہ کہتے ہیں کہ اگر تمہیں مستقل طور پر اپنے ساتھ رکھوں گا تو اپنے بہن بھائیوں کے لیے کم پیسے جمع کر سکوں گا۔میری نند کی چار بیٹیاں ہیں، جبکہ ان کے شوہر بھی زندہ ہیں اور مال دار بھی ہیں۔ لیکن گھر میں سب کی ذمہ داری میرے شوہر پر ہے۔اگر بیوی کو اپنے پاس رکھوں گا تو والدہ اور بھائی طعنے دیں گے کہ بیوی کا غلام بن گیا ہے۔کیا میرا شوہر کے ساتھ رہنے کا کوئی حق نہیں ہے؟ براہ کرم مجھے تفصیلی فتویٰ دیں۔ میں اپنے شوہر سے پیسے، کپڑے یا کوئی چیز نہیں مانگتی، بس ان کے ساتھ رہنا چاہتی ہوں، لیکن وہ مجھے اپنے ساتھ نہیں رکھتے۔ میرے لیے ایک ایک سال کی جدائی برداشت کرنا بہت مشکل ہے۔براہ کرم میرے لیے دعا بھی کریں اور میرے سوال کا جواب بھی دیں۔
سوال میں درج کردہ بیان اگر واقعتاً درست اور مبنی بر حقیقت ہو تو سائلہ کے شوہر کا بغیر کسی شرعی عذرو مجبوری کے فقط گھر والوں کی باتوں کی وجہ سے ایک ایک سال کے عرصے تک بیوی سے علیحدہ رہنا اور بیوی کو اپنے پاس نہ رکھنا درست نہیں ،خصوصاً جب بیوی کی طرف سے اس کا مطالبہ بھی ہو۔ لہذا سائلہ کے شوہر کے لیے اگر بآسانی ممکن ہو تو بیوی کو اپنے ساتھ رکھے یا کوئی ایسی مناسب ترتیب بنائے جس سے بیوی سے زیادہ عرصہ الگ نہ رہنا پڑے ،تاکہ دونوں کے درمیان انسیت اور محبت کی فضاء قائم رہے۔
کما قال تعالی : وَعَاشِرُوهُنَّ بِالْمَعْرُوفِ(سورۃ النساء: ١٩)
وقال تعالی: أسكنوهن من حيث سكنتم من وجدكم ولا تضاروهن لتضيقوا عليهن (سورة الطلاق، الآية 6)
وفی صحیح البخاری: قال رسول اللہ صلی اللہ علیہ وسلم: استوصوا بالنساء خيرا ، ( حدیث: ٥١٨٦ ۔و صحیح مسلم، حدیث: ١٤٦٨۔)
وفی صحيح البخاري: إن لربك عليك حقا، ولنفسك عليك حقا، ولأهلك عليك حقا، فأعط كل ذي حق حقه (كتاب الصوم، باب من أقسم على أخيه ليفطر في التطوع، حديث: 1968)
وفی بدائع الصنائع :ولو أراد الزوج أن يسكنها مع ضرتها أو مع أحمائها كأم الزوج وأخته وبنته من غيرها وأقاربه فأبت ذلك عليه أن يسكنها في منزل مفرد لأنهن ربما يؤذينها ويضررن بها في المساكنة وإباؤها دليل الأذى والضرر ( کتاب النفقات، ج ٤، ص ٢٣-٢٤، دار الكتب العلمية)
وفی الفتاوى الهندية :تجب السكنى لها عليه في بيت خال عن أهله وأهلها إلا أن تختار ذلك (كتاب النفقات، الباب الخامس في السكنى، ج ١، ص٥٥٦، دار الفكر-بیروت)
وفی الهداية :وعلى الزوج أن يسكنها في دار مفردة ليس فيها أحد من أهله إلا أن تختار ذلك لأن السكنى من كفايتها فتجب لها كالنفقة (كتاب الطلاق، باب النفقة، فصل السكنى، ج 2، ص 288، دار إحياء التراث العربي، بيروت )
وفی البحر الرائق: والسكنى في بيت خال عن أهله وأهلها لأنها تتضرر به فإنها لا تأمن على متاعها ويمنعها ذلك من المعاشرة مع زوجها ومن الاستمتاع إلا أن تختار لأنها رضيت بانتقاص حقها (كتاب الطلاق، باب النفقة، ج 4، ص 211، دار الكتاب الإسلامي)
رد المحتار: لأنها تتضرر بمشاركة غيرها فيه لأنها لا تأمن على متاعها ويمنعها ذلك من المعاشرة مع زوجها ومن الاستمتاع إلا أن تختار ذلك لأنها رضيت بانتقاص حقها وفي البحر عن الخانية يشترط أن لا يكون في الدار أحد من أحماء الزوج يؤذيها (كتاب الطلاق، باب النفقة، مطلب في مسكن الزوجة، ج 3، ص 600-601، دار الفكر، بيروت،)
المبسوط للسرخسي: ولا يجبر المعسر على نفقة أحد إلا على نفقة الزوجة والولد الصغير أما استحقاق نفقة الزوجة باعتبار العقد وأما الأولاد الصغار فلأنهم أجزاؤه (كتاب النكاح، باب نفقة ذوي الأرحام، ج 5، ص 224، دار المعرفة، بيروت.)
وفیہ ایضاً: فأما نفقة الأقارب استحقاقها بطريق الصلة فتكون على الموسرين دون المعسرين۔(كتاب النكاح، باب نفقة ذوي الأرحام، ج 5، ص 224، دار المعرفة، بيروت)